ნიკოლოზ ლალიაშვილი ყაზახეთში ელჩად დაინიშნა

© photo: Sputnik / Stringerმთავრობის ადმინისტრაცია
მთავრობის ადმინისტრაცია - Sputnik საქართველო, 1920, 17.11.2022
გამოწერა
НовостиTelegram
საქართველომ და ყაზახეთმა დიპლომატიური ურთიერთობა 1992 წლის ივლისში დაამყარეს.
თბილისი, 17 ნოემბერი – Sputnik. ყაზახეთში საქართველოს საგანგებო და სრულუფლებიან ელჩად ნიკოლოზ ლალიაშვილი დაინიშნა. ამის შესახებ ინფორმაციას მთავრობის ადმინისტრაციის პრეს-სამსახური ავრცელებს.
უწყების ცნობით, პრემიერ-მინისტრი ირაკლი ღარიბაშვილი ნიკოლოზ ლალიაშვილს მთავრობის ადმინისტრაციაში შეხვდა, თანამდებობაზე დანიშვნა მიულოცა და მომავალ საქმიანობაში წარმატებები უსურვა. თავის მხრივ, ლალიაშვილმა პრემიერ-მინისტრს გამოცხადებული ნდობისთვის მადლობა გადაუხადა.
გავრცელებული ინფორმაციით, შეხვედრაზე საქართველოსა და ყაზახეთის რესპუბლიკას შორის არსებული თანამშრომლობის ძირითადი მიმართულებები მიმოიხილეს.
ნიკოლოზ ლალიაშვილს საჯარო სამსახურში მუშაობის მრავალწლიანი გამოცდილება აქვს. ის სხვადასხვა დროს მუშაობდა საქართველოს თავდაცვის სამინისტროში, ეროვნული უშიშროების საბჭოში, სახელმწიფო უშიშროების სამინისტროსა და გაერთიანებულ ენერგოდისტრიბუციის კომპანიაში.
ნიკოლოზ ლალიაშვილი იყო საქართველოს პარლამენტის წევრი. ასევე სხვადასხვა დროს იყო „სტუდია მაესტროს“ პოლიტიკური რედაქტორი, ტელეკომპანია „იმედის“ გენერალური დირექტორის მოადგილე და გენერალური დირექტორი.
საქართველომ და ყაზახეთმა დიპლომატიური ურთიერთობა 1992 წლის ივლისში დაამყარეს. ქვეყნები თანამშრომლობენ ენერგეტიკის, ტრანსპორტის და სოფლის მეურნეობის სფეროებში. ყაზახეთი წლების განმავლობაში იყო საქართველოს ერთ-ერთი მთავარი ინვესტორი, განახორციელა ინვესტიციები ენერგეტიკასა და ტურიზმში.
ყველა ახალი ამბავი
0