დეპუტატებმა საპარლამენტო კონტროლის გაძლიერებას მხარი დაუჭირეს

© photo: Sputnik / Stringerპარლამენტის შენობა
პარლამენტის შენობა  - Sputnik საქართველო, 1920, 02.11.2022
გამოწერა
თბილისი, 2 ნოემბერი - Sputnik. საქართველოს პარლამენტმა მესამე მოსმენით მიიღო რეგლამენტში ცვლილებები, რომელიც მთავრობაზე საპარლამენტო კონტროლის მექანიზმების გაძლიერებას ითვალისწინებს.
კანონპროექტს, რომელიც საქართველოსთვის კანდიდატის სტატუსის მისანიჭებლად ევროკავშირის მიერ შემუშავებული12 რეკომენდაციიდან ერთ-ერთია, 88 დეპუტატმა დაუჭირა მხარი.
ცვლილებების თანახმად, მცირდება პარლამენტის წევრის კითხვაზე პასუხის გაცემის ვადა, რომელიც, ნაცვლად 15 დღისა, განისაზღვრება 10 დღით.
იზრდება ინტერპელაციის ჩატარების პერიოდულობა - ინტერპელაციის წესით შეკითხვის ადრესატის პარლამენტში წარდგომის შესაძლებლობა გათვალისწინებული იქნება ყოველთვიურად, ნაცვლად ყოველი მორიგი სესიის განმავლობაში ორჯერ წარდგომისა.
საქართველოში კორუფციასთან ბრძოლის წესები იცვლება>>>
ასევე გაძლიერდება საპროცედურო საკითხთა და წესების კომიტეტის მიერ კომიტეტების ან ფრაქციების მოთხოვნით მაღალი თანამდებობის პირების პარლამენტში მისვლის კონტროლი. კომიტეტს ექნება უფლება შეისწავლოს აღნიშნული საკითხი.
გარდა ამისა, მთავრობის წევრი ვალდებული ხდება„მინისტრის საათის“ ფარგლებში პარლამენტის პლენარულ სხდომაზე მოხსენებით გამოსვლამდე 5 დღით ადრეპარლამენტს ანგარიშიწერილობითი ფორმითწარუდგინოს. აღნიშნული შესწორების მიზანი პარლამენტის წევრთა მეტი ინფორმირებულობისა და ჩართულობის გაზრდაა.
ყველა ახალი ამბავი
0