საქართველოს მთავრობა: ეკონომიკის ზრდა ხელს შეუწყობს სახელმწიფო დაფინანსების გაზრდას

© photo: Sputnikსაქართველოს მთავრობა
საქართველოს მთავრობა - Sputnik საქართველო, 1920, 29.10.2022
გამოწერა
НовостиTelegram
მაღალი ეკონომიკური ზრდის შენარჩუნება საქართველოს მთავრობის პრიორიტეტია და ამ მიმართულებით ყველა შესაბამისი უწყება აქტიურად მუშაობს, აღინიშნა სხდომაზე
თბილისი, 29 ოქტომბერი – Sputnik. ეკონომიკური ზრდის მაღალი მაჩვენებელი ხელს შეუწყობს დაფინანსების გაზრდას სხვადასხვა მიმართულებით, განაცხადა მთავრობის მეთაურმა ირაკლი ღარიბაშვილმა ეკონომიკური საბჭოს სხდომაზე.
საქართველოს ეკონომიკა მაღალი ტემპებით იზრდება – მშპ-ის რეალურმა ზრდამ 2022 წლის აგვისტოში, 2021 წლის ამავე პერიოდთან შედარებით, 10,5% შეადგინა, ხოლო რეალური ზრდის საშუალო მაჩვენებელი რვა თვეში 10,3%-ია.
მთავრობის პრეს-სამსახურის ცნობით, საბჭოს წევრებმა ეკონომიკის მიმართულებით ქვეყანაში მიმდინარე პოზიტიურ ტენდენციებზე იმსჯელეს. ხაზი გაესვა ქვეყნის ეკონომიკის განვითარებაზე ორნიშნა ეკონომიკური ზრდის დადებით გავლენას.
შეხვედრაზე ასევე იმსჯელეს ევროპისა და აზიის ქვეყნებთან ენერგოუსაფრთხოების მიმართულებით თანამშრომლობის საკითხებზე. ეკონომიკური საბჭოს სხდომაზე ქვეყანაში მიმდინარე და დაგეგმილი ენერგეტიკული პროექტები განიხილეს.
მიმდინარე კვირაში ეროვნულმა ბანკმა ქვეყნის ეკონომიკის ზრდის პროგნოზი გამოაქვეყნა, რომლის მიხედვითაც 2022 წელს ქვეყნის მშპ-ის ზრდა 10%-ს შეადგენს. თუმცა იქვე აღნიშნა, რომ ეს ჭარბი ზრდაა.
ამასთან, საქართველოს მთავრობამ გადახედა მშპ-ის ზრდის პროგნოზს და გაზარდა ის 6%-დან 8,5%-მდე – არსებული მაღალი ეკონომიკური ზრდის ტემპებიდან გამომდინარე.
ყველა ახალი ამბავი
0