სემეკი: „მთავარი არხი“ ცრუობს - დეკემბერში გაზის გაძვირება მოსალოდნელი არ არის

© Sputnik / Levan Avlabreli
  - Sputnik საქართველო, 1920, 21.10.2022
გამოწერა
НовостиTelegram
თბილისი, 21 ოქტომბერი — Sputnik. ამ ეტაპზე არსებული მონაცემების საფუძველზე ბუნებრივი გაზის ტარიფების მატება მოსალოდნელი არ არის, ინფორმაცია ამის თაობაზე სიცრუე და მიზანმიმართული პროვოკაციაა, ნათქვამია საქართველოს ენერგეტიკისა და წყალმომარაგების მარეგულირებელი ეროვნული კომისიის განცხადებაში.
ამ განცხადებით სემეკი ეხმიანება „მთავარი არხის“ ეთერში გასულ ინფორმაციას, თითქოს მიმდინარე წლის დეკემბერში ბუნებრივი გაზის ტარიფების გაძვირებაა მოსალოდნელი.

„მთავარი არხის“ მიერ გავრცელებული ინფორმაცია, თითქოს „სემეკის ხელმძღვანელი ტარიფის ზრდას არ გამორიცხავს“, არ შეესაბამება სიმართლეს და წარმოადგენს მიზანმიმართულ პროვოკაციას. <...> სემეკის თავმჯდომარემ ჟურნალისტების მიერ ბუნებრივი გაზის ტარიფებზე დასმულ კითხვებთან დაკავშირებით არაერთხელ განაცხადა, რომ, არსებული პარამეტრების გათვალისწინებით, ბუნებრივი გაზის ტარიფების მატება მოსალოდნელი არ არის“, — აცხადებენ სემეკში.

როგორც მარეგულირებელი კომისია აღნიშნავს, „მთავარი არხის“ არასწორი ინტერპრეტაცია და წინასწარ გაკეთებული დასკვნები კიდევ ერთხელ მიუთითებს იმაზე, რომ აღნიშნული მედიასაშუალება მიზანმიმართულად ცდილობს საზოგადოების შეცდომაში შეყვანას“.
მანამდე „მთავარმა არხმა“ გაავრცელა ინფორმაცია, რომ თბილისში ბუნებრივი აირი დეკემბრიდან შეიძლება ისევ გაძვირდეს. სწორედ წლის ბოლოსაა ჩანიშნული სემეკის სხდომა, რომელზეც დღეს მოქმედ ტარიფებს უნდა გადახედონ, ხოლო მარეგულირებელი კომისიის თავმჯდომარე დავით ნარმანია გაზის გაძვირებას არ გამორიცხავს.
ყველა ახალი ამბავი
0