https://sputnik-georgia.com/20221021/saqartvelo-saudis-arabetsi-soflis-meurneobis-gamofenaze-271508630.html

საქართველო საუდის არაბეთში სოფლის მეურნეობის გამოფენაზე პირველად წარდგა

საქართველო საუდის არაბეთში სოფლის მეურნეობის გამოფენაზე პირველად წარდგა

Sputnik საქართველო

Saudi Agriculture International Trade Exhibition – უდიდესი გამოფენაა საუდის არაბეთში. 21.10.2022-ს, Sputnik საქართველო

2022-10-21T09:46+0400

2022-10-21T09:46+0400

2022-10-21T13:47+0400

საქართველოს სოფლის მეურნეობა

საქართველო

ახალი ამბები

საქართველოს ეკონომიკა

საუდის არაბეთი

https://cdnn1.img.sputnik-georgia.com/img/07e6/0a/14/271502080_0:176:2048:1328_1920x0_80_0_0_4141a67687784e9f4f73a36ba1fb188c.jpg

თბილისი, 21 ოქტომბერი — Sputnik. საქართველოს მონაწილეობა სოფლის მეურნეობის საერთაშორისო გამოფენაში Saudi Agriculture International Trade Exhibition ქვეყანას საუდის არაბეთის ბაზარზე თავისი პროდუქციის პოპულარიზებაში დაეხმარება, განაცხადა საქართველოს ელჩმა საუდის არაბეთში ვახტანგ ჯაოშვილმა.ღონისძიება ქვეყნის დედაქალაქ ერ-რიადში მიმდინარეობდა.„დღეისათვის ადგილობრივ სავაჭრო ქსელში უკვე წარმოდგენილია ქართული პროდუქცია, თუმცა ვფიქრობ, რომ მსგავს მასშტაბურ გამოფენაში ქართული კომპანიების მონაწილეობა, არსებული მოთხოვნის გათვალისწინებით, ხელს შეუწყობს ქართული პროდუქციის პოპულარიზაციას“, – განაცხადა ვახტანგ ჯაოშვილმა.დიპლომატის თქმით, საუდის არაბეთი ერთ-ერთი ყველაზე სწრაფად მზარდი ეკონომიკის მქონე ქვეყანაა 36 მილიონიანი მოსახლეობით. ქვეყანა, ბუნებრივი პირობებიდან გამომდინარე, მნიშვნელოვნად არის დამოკიდებული სასოფლო-სამეურნეო პროდუქციის იმპორტზე. ამიტომ გამოფენაში მონაწილეობა ხელს შეუწყობს ქართული პროდუქციის ექსპორტის ზრდას არა მარტო საუდის არაბეთში, არამედ მთლიანად ახლო აღმოსავლეთის რეგიონში, აღნიშნა ჯაოშვილმა.გამოფენისას ელჩმა საუდის არაბეთის სამეფოს გარემოს დაცვის, წყლისა და სოფლის მეურნეობის მინისტრს აბდულრაჰმან ალფადლის პირადად გააცნო ქართული პროდუქცია.გამოფენის სტუმრებს ქართულ სტენდთან საქართველოს ათი კომპანიის პროდუქციის გაცნობა შეეძლოთ.სტენდზე წარმოდგენილი იყო ქართული კაკალი, თხილი, თაფლი, მოცვი, ჟოლო, ტყემალი, მტკნარი და მინერალური წყალი, ნატურალური ხილის წვენები, სუნელები, ცხვრის ხორცი და ზეითუნის ზეთი.ქართული კომპანიების წარმომადგენლების თქმით, სახელმწიფოს მხრიდან საერთაშორისო გამოფენებში მონაწილეობის ორგანიზება და მხარდაჭერა ქართველი მწარმოებლებისთვის მნიშვნელოვანი დახმარებაა და ხელს უწყობს როგორც საექსპორტო ბაზრების დივერსიფიკაციას, ასევე ქართული აგროსასურსათო პროდუქციის პოპულარიზაციას.Saudi Agriculture International Trade Exhibition საუდის არაბეთში უდიდესი გამოფენაა, რომელიც გარემოს დაცვის, წყლისა და სოფლის მეურნეობის სამინისტროს პატრონაჟით ტარდება.წელს გამოფენაში მონაწილეობდა დაახლოებით 40 ქვეყანა და დაახლოებით 400 ადგილობრივი და საერთაშორისო კომპანია. გამოფენას ყოველწლიურად 25 ათასამდე ადამიანი სტუმრობს.გამოფენის სტუმრებს შესაძლებლობა აქვთ გაეცნონ სოფლის მეურნეობასა და კვების მრეწველობაში არსებულ სიახლეებს, წამყვანი კომპანიების მიერ დანერგილ თანამედროვე ტექნოლოგიებსა და წარმოებულ ტექნიკას.გამოფენა წარმოადგენს საუკეთესო პლატფორმას მეწარმეებისთვის, რათა დაამყარონ საქმიანი კონტაქტები, გააფართოვონ ბიზნესი და ხელი შეუწყონ აგროსასურსათო სექტორის განვითარებას.გამოფენა 17 ოქტომბერს გაიხსნა და 20 ოქტომბერს დაიხურა.ეწვიეთ „Sputnik საქართველოს“ Telegram-არხს

საქართველო

საუდის არაბეთი

2022

ახალი ამბები

ka_KA

საქართველოს სოფლის მეურნეობა, საქართველო, ახალი ამბები, საქართველოს ეკონომიკა, საუდის არაბეთი