მსოფლიო ხელისგულზე - Sputnik საქართველო, 1920
მსოფლიო დღეს
მსოფლიოში მიმდინარე უახლესი ახალი ამბები, მსოფლიოს წინაშე მდგარი გამოწვევები, აქტუალური თემები, მიმოხილვა და ანალიზი იხილეთ Sputnik საქართველოს ვებგვერდზე.

რუსული აქტივების კიევისთვის გადაცემა: ევროკომისიას მექანიზმის შემუშავება დაევალა

© photo: Sputnik / Alexey Vitvitsky / გადასვლა მედიაბანკშიუკრაინისა და ევროკავშირის დროშები
უკრაინისა და ევროკავშირის დროშები - Sputnik საქართველო, 1920, 21.10.2022
გამოწერა
НовостиTelegram
თბილისი, 21 ოქტომბერი – Sputnik. ევროკავშირის წევრი ქვეყნების სახელმწიფოთა და მთავრობათა მეთაურებისგან შემდგარმა ევროპულმა საბჭომ დაავალა ევროკომისიას, რომელიც კანონების მომზადებაზეა პასუხისმგებელი, მოამზადოს ვარიანტები, თუ როგორ შეიძლება გაყინული რუსული აქტივების გადაცემა უკრაინის აღსადგენად.
ევროპულმა საბჭომ აღნიშნული გადაწყვეტილება 20-21 ოქტომბრის სამიტზე მიიღო.

„ევროკავშირის საბჭო აპირებს მხარი დაუჭიროს უკრაინას, მის აღდგენასა და რეკონსტრუქციას საერთაშორისო მოკავშირეებთან და საფინანსო ინსტიტუტებთან ერთად. ევროპული საბჭო მოუწოდებს ევროკომისიას, წარმოადგინოს გაყინული რუსული აქტივების გამოყენების ვარიანტები უკრაინის აღსადგენად საერთაშორისო სამართლისა და ევროკავშირის კანონების შესაბამისად“, — ნათქვამია დოკუმენტში.

ევროკავშირის ქვეყნებმა 17,4 მილიარდი ევროს ოდენობის რუსული ბიზნეს-აქტივები და 23 მილიარდი ევროს ოდენობის რუსეთის ცენტრობანკის აქტივები გაყინეს. რუსული აქტივების გამოყენების საკითხის განხილვა ევროკავშირში ჯერ კიდევ მაისში დაიწყო. პირველი ოფიციალური წინადადება ჟოზეპ ბორელმა მაისში გააკეთა. 9 ოქტომბერს Bloomberg-მა გამოაქვეყნა ინფორმაცია, რომ ევროკომისია სანქცირებული აქტივების დაყადაღების უფლების მოპოვებაზე მუშაობდა. კრემლმა ამ მექანიზმს „ბანდიტიზმი“ უწოდა.
ყველა ახალი ამბავი
0