მსოფლიო ხელისგულზე - Sputnik საქართველო, 1920
მსოფლიო დღეს
მსოფლიოში მიმდინარე უახლესი ახალი ამბები, მსოფლიოს წინაშე მდგარი გამოწვევები, აქტუალური თემები, მიმოხილვა და ანალიზი იხილეთ Sputnik საქართველოს ვებგვერდზე.

ისრაელი უკრაინას შეიარაღების სისტემებს არ მიაწვდის

© AP Photo / Manuel Balce Cenetaისრაელის თავდაცვის მინისტრი ბენი განცი
ისრაელის თავდაცვის მინისტრი ბენი განცი - Sputnik საქართველო, 1920, 19.10.2022
გამოწერა
НовостиTelegram
უკრაინის მხარდაჭერის პოლიტიკა ისრაელის მხრიდან ჰუმანიტარული დახმარებით გამოიხატება, აღნიშნა თავდაცვის მინისტრმა.
თბილისი, 19 ოქტომბერი – Sputnik. ისრაელის ხელისუფლება არ მიაწვდის უკრაინას შეიარაღებას რიგი მოსაზრებების გამო, განაცხადა ისრაელის თავდაცვის მინისტრმა ბენი განცმა ევროკავშირის ქვეყნების ელჩებისთვის გამართულ ბრიფინგზე.
ამასთან მინისტრმა აღნიშნა, რომ ისრაელი მხარს უჭერდა და დღესაც მხარს უჭერს უკრაინას, ნატოსა და დასავლეთს, იუწყება „რია ნოვოსტი“ ისრაელის თავდაცვის უწყებაზე დაყრდნობით.

„ჩვენ ვგეგმავთ იმ დახმარების დამატებითი პაკეტის განხილვასა და დამტკიცებას, რომელსაც ადრეც ვაწვდიდით. ამასთან, მინდა ხაზი გავუსვა, რომ ისრაელი არ მიაწვდის უკრაინას შეიარაღების სისტემებს რიგი ოპერატიული მოსაზრებების გამო. უკრაინის მხარდაჭერას გავაგრძელებთ იმ ფარგლებში, რომლებშიც ამას ადრე ვაკეთებდით“, – ხაზი გაუსვა თავდაცვის მინისტრმა.

მისი თქმით, უკრაინის მხარდაჭერის პოლიტიკა ისრაელის მხრიდან ჰუმანიტარული დახმარებითა და სამაშველო-დამცავი აღჭურვილობის მიწოდებით შემოიფარგლება.
ამას წინათ ისრაელის დიასპორის საქმეთა მინისტრმა ნაჰმან შაიმ გამოთქვა მოსაზრება, რომ ისრაელმა უკრაინას სამხედრო დახმარება უნდა აღმოუჩინოს ირანის მხრიდან რუსეთისთვის შეიარაღების მიწოდების შესახებ გავრცელებული ცნობების შემდეგ. თავად ეს ინფორმაცია რუსეთსა და ირანში არაერთხელ უარყვეს. ისრაელი უკრაინაში რუსეთის შეჭრის შემდეგ კიევს მხოლოდ ჰუმანიტარულ დახმარებას და საგანგებო სამსახურების სამოქალაქო თანამშრომლების დამცავი საშუალებების შეზღუდულ პარტიებს უგზავნის.
რუსეთის უშიშროების საბჭოს თავმჯდომარის მოადგილემ დმიტრი მედვედევმა განაცხადა, რომ ისრაელის მხრიდან კიევისთვის იარაღის მიწოდება წინდაუხედავი ნაბიჯი იქნებოდა და რუსეთთან ურთიერთობას დაანგრევდა.
ყველა ახალი ამბავი
0