https://sputnik-georgia.com/20221018/shalva-berianidze-271435797.html
წარმატების ფასი, ანუ როცა ყველა გამოწვევას დაძლევ
წარმატების ფასი, ანუ როცა ყველა გამოწვევას დაძლევ
Sputnik საქართველო
იმისთვის, რომ წარმატებული გამხდარიყო, ყველაფერი გააკეთა. თბილისში სკოლა „კანდიდის“ დამთავრების შემდეგ დავით აღმაშენებლის სახელობის უნივერსიტეტის ჟურნალისტიკის... 18.10.2022-ს, Sputnik საქართველო
2022-10-18T16:36+0400
2022-10-18T16:36+0400
2022-10-18T20:46+0400
ინტერვიუ
საინტერესო ადამიანები
https://cdnn1.img.sputnik-georgia.com/img/07e4/0b/19/250159798_0:0:1049:591_1920x0_80_0_0_69fdfebff21c263fd523ef4f9974784a.jpg
ამის მერე სწავლის გასაგრძელებლად უცხოეთში გაემგზავრა. შოტლანდიაში, გლაზგოს უნივერსიტეტში ერასმუსის პროგრამით, ანუ სრული დაფინანსებით მოხვდა. შალვა ბერიანიძე ამ უნივერსიტეტის ისტორიაში პირველი ქართველია, რომელიც გლობალური შესაძლებლობების ელჩი გახდა. დანარჩენს მასალიდან შეიტყობთ.- შალვა, გლაზგოს უნივერსიტეტში როგორ მოხვდით?- დიდ ბრიტანეთში, კერძოდ, შოტლანდიაში 2020-21 სასწავლო წლის შემოდგომის სემესტრში მოვხვდი ერასმუსის პროგრამით, რაც სრულ დაფინანსებას ითვალისწინებს. თუმცა იმ პერიოდში ჩემს ოჯახს სამგზავრო ბილეთისთვის საჭირო თანხაც კი არ გააჩნდა. მაშინ მივმართე ჩემს ერთგულ ფონდ „იავნანას“ თხოვნით, რომ სამგზავრო ხარჯები დაეფარა. ფონდმა ჩემი თხოვნა დააკმაყოფილა და სწორედ მათი შეწევნით ჩამოვედი დიდ ბრიტანეთში.- მანამდე საქართველოში როგორი რეალობის წინაშე აღმოჩნდით?- 12 წლის ვიყავი, როდესაც მე, ჩემი ძმა და მამაჩემი იმ რეალობის წინაშე აღმოვჩნდით, რომ დედა სხვა ქვეყანაში სამუშაოდ უნდა წასულიყო. ასეც მოხდა და დაიწყო უდედო დღეები, სავსე მონატრებით და მისი ნახვის სურვილით. სწორედ ამ პერიოდში დავიწყე ლექსების წერა და აღმოჩნდა, რომ ის დარდი მხოლოდ ამ გზით მოვინელე. კარგად მახსოვს, პირველი ხუთი კლასი ქურასთან ვთბებოდით, ბევრჯერ შეშაც წაგვიღია სახლიდან. შემდეგ ჩვენთან ერთად სკოლაც იცვლებოდა, შენობა გარემონტდა და გალამაზდა, ცენტრალური გათბობაც გაკეთდა. თბილისში დავამთავრე სკოლა „კანდიდი“ და იმავე წელს დავით აღმაშენებლის სახელობის უნივერსიტეტში ჩავაბარე ჟურნალისტიკის ფაკულტეტზე.- საქართველოს შვიდ საუკეთესო სტუდენტთა შორის თქვენი სახელი და გვარიც იყო...- ეს მოხდა 2016 წელს, როცა წარჩინებული სწავლის გამო უნივერსიტეტის სტიპენდიანტი გავხდი. სწორედ მაშინ დამასახელეს საქართველოს მასშტაბით შვიდ საუკეთესო სტუდენტს შორის, რის გამოც ფონდმა „იავნანამ“ ექვსთვიანი სტიპენდია დამინიშნა. 2019 წელს სწავლა წითელ დიპლომზე დავასრულე და სოციალურ მეცნიერებებში (ჟურნალისტიკა) ოთხწლიანი შრომის შედეგად ბაკალავრის აკადემიური ხარისხი მივიღე.- შოტლანდიაში რა ახალი გამოწვევების წინაშე აღმოჩნდით?- როცა სკოლის მოსწავლე ვიყავი, სულ მეგონა, რომ ამ ქვეყანაში მხოლოდ მდიდარი ოჯახის შვილები სწავლობდნენ. იქ ჩასვლის დღიდან მთელი რიგი გამოწვევების წინაშე აღმოვჩდი, მაგრამ ყველა მათგანი დავძლიე. მაშინ პანდემია იყო, რის გამოც შოტლანდია დაცლილი და უფერული დამხვდა. ამიტომ მისი ნახვით ე.წ. „კულტურული შოკი“ ნაკლებად მივიღე, თუმცა საერთოდ გლაზგო ზედმიწევნით ასახავს როგორც უძველესი კულტურის, ასევე თანამედროვე ცხოვრების მომენტებს, ამიტომ შეუძლებელია გულგრილი დაგტოვოს.- გლაზგომდე იტალიაში სემინარებს კითხულობდით...- იტალიაში ექვსი კვირის განმავლობაში „აისეკის“ გაცვლითი პროგრამით 2017 წელს ვიყავი. ამ დროის განმავლობაში მქონდა შესაძლებლობა, რომ ერთ-ერთ სკოლაში IX–XI და დამამთავრებელი კლასის მოსწავლეებთან ჩამეტარებინა სემინარები კულტურის, განათლებისა და ევროპის კავშირის შესახებ. ეს იყო ჩემთვის პირველი საერთაშორისო გამოცდილება, რომელმაც ჩემზე გავლენა იქონია. ასე თუ ისე, შევძელი იმ ახალგაზრდებისთვის ჩემი ცოდნისა და დადებითი ემოციების გაზიარება.- რა გამოცდილება შეგძინათ „აისეკის“ პროგრამაში მონაწილეობამ?- მაშინ გამიჩნდა განცდა, რომ ადამიანებზე პოზიტიური გავლენის მოხდენა მართლა შემიძლია. როდესაც იტალიის მერე საქართველოში დავბრუნდი, როგორც ადამიანური რესურსების ვიცე-პრეზიდენტმა, ამავე ორგანიზაციის ერთ-ერთ ადგილობრივ კომიტეტში მთელი წელი მოხალისედ ვიმუშავე. მაშინ მომეცა შესაძლებლობა, რომ ურთიერთობა დამემყარებინა მსოფლიოს სხვადასხვა წერტილში მცხოვრებ თანატოლებთან, რამაც საერთაშორისო ურთიერთობების სფეროში უფრო მეტად გამიფართოვა თვალსაწიერი.- ქართველები მზის გარეშე დიდხანს ვერ ვძლებთ და მუდმივად უამინდობას როგორ შეეგუეთ?- წინასწარ ვიცოდი, რომ ოკეანესთან სიახლოვის გამო აქ უფრო ხშირად წვიმს და ცივი ამინდებია, მაგრამ მაინც არ მეგონა, თუ კვირაში 5-6 დღე იწვიმებდა. როცა აქ ჩამოვედი, იმდენად ციოდა, რომ ზამთრის ტანსაცმელი ჩავიცვი. ამ დროს ქუჩაში ადგილობრივები მოკლე შორტებით დადიოდნენ. თავი იმდენად უხერხულად ვიგრძენი, რომ მეგონა სიცივის განცდას ვაზვიადებდი, თუმცა ეს უხერხულობა ნელ-ნელა მომეხსნა.- სამომავლო გეგმები როგორია?- სამომავლოდ მინდა საფუძვლიანად შევისწავლო საგარეო პოლიტიკისა და სახელმწიფოთშორისი ურთიერთობები იმ საერთაშორისო სისტემაში, სადაც საქართველოს ადგილი და როლი თითქმის შეუმჩნეველია. მინდა საქართველოს უკეთესი მომავლის შენებაში აქტიურად ჩავება.ნინო მამულაშვილი
Sputnik საქართველო
media@sputniknews.com
+74956456601
MIA „Rossiya Segodnya“
2022
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
ინტერვიუ, საინტერესო ადამიანები
ინტერვიუ, საინტერესო ადამიანები
წარმატების ფასი, ანუ როცა ყველა გამოწვევას დაძლევ
16:36 18.10.2022 (განახლებულია: 20:46 18.10.2022) იმისთვის, რომ წარმატებული გამხდარიყო, ყველაფერი გააკეთა. თბილისში სკოლა „კანდიდის“ დამთავრების შემდეგ დავით აღმაშენებლის სახელობის უნივერსიტეტის ჟურნალისტიკის ფაკულტეტზე ჩააბარა. წარჩინებული სწავლის გამო უნივერსიტეტის სტიპენდიანტი გახდა.
ამის მერე სწავლის გასაგრძელებლად უცხოეთში გაემგზავრა. შოტლანდიაში, გლაზგოს უნივერსიტეტში ერასმუსის პროგრამით, ანუ სრული დაფინანსებით მოხვდა. შალვა ბერიანიძე ამ უნივერსიტეტის ისტორიაში პირველი ქართველია, რომელიც გლობალური შესაძლებლობების ელჩი გახდა. დანარჩენს მასალიდან შეიტყობთ.
- შალვა, გლაზგოს უნივერსიტეტში როგორ მოხვდით?
- დიდ ბრიტანეთში, კერძოდ, შოტლანდიაში 2020-21 სასწავლო წლის შემოდგომის სემესტრში მოვხვდი ერასმუსის პროგრამით, რაც სრულ დაფინანსებას ითვალისწინებს. თუმცა იმ პერიოდში ჩემს ოჯახს სამგზავრო ბილეთისთვის საჭირო თანხაც კი არ გააჩნდა. მაშინ მივმართე ჩემს ერთგულ ფონდ „იავნანას“ თხოვნით, რომ სამგზავრო ხარჯები დაეფარა. ფონდმა ჩემი თხოვნა დააკმაყოფილა და სწორედ მათი შეწევნით ჩამოვედი დიდ ბრიტანეთში.
- მანამდე საქართველოში როგორი რეალობის წინაშე აღმოჩნდით?
- 12 წლის ვიყავი, როდესაც მე, ჩემი ძმა და მამაჩემი იმ რეალობის წინაშე აღმოვჩნდით, რომ დედა სხვა ქვეყანაში სამუშაოდ უნდა წასულიყო. ასეც მოხდა და დაიწყო უდედო დღეები, სავსე მონატრებით და მისი ნახვის სურვილით. სწორედ ამ პერიოდში დავიწყე ლექსების წერა და აღმოჩნდა, რომ ის დარდი მხოლოდ ამ გზით მოვინელე. კარგად მახსოვს, პირველი ხუთი კლასი ქურასთან ვთბებოდით, ბევრჯერ შეშაც წაგვიღია სახლიდან. შემდეგ ჩვენთან ერთად სკოლაც იცვლებოდა, შენობა გარემონტდა და გალამაზდა, ცენტრალური გათბობაც გაკეთდა. თბილისში დავამთავრე სკოლა „კანდიდი“ და იმავე წელს დავით აღმაშენებლის სახელობის უნივერსიტეტში ჩავაბარე ჟურნალისტიკის ფაკულტეტზე.
- საქართველოს შვიდ საუკეთესო სტუდენტთა შორის თქვენი სახელი და გვარიც იყო...
- ეს მოხდა 2016 წელს, როცა წარჩინებული სწავლის გამო უნივერსიტეტის სტიპენდიანტი გავხდი. სწორედ მაშინ დამასახელეს საქართველოს მასშტაბით შვიდ საუკეთესო სტუდენტს შორის, რის გამოც ფონდმა „იავნანამ“ ექვსთვიანი სტიპენდია დამინიშნა. 2019 წელს სწავლა წითელ დიპლომზე დავასრულე და სოციალურ მეცნიერებებში (ჟურნალისტიკა) ოთხწლიანი შრომის შედეგად ბაკალავრის აკადემიური ხარისხი მივიღე.
- შოტლანდიაში რა ახალი გამოწვევების წინაშე აღმოჩნდით?
- როცა სკოლის მოსწავლე ვიყავი, სულ მეგონა, რომ ამ ქვეყანაში მხოლოდ მდიდარი ოჯახის შვილები სწავლობდნენ. იქ ჩასვლის დღიდან მთელი რიგი გამოწვევების წინაშე აღმოვჩდი, მაგრამ ყველა მათგანი დავძლიე. მაშინ პანდემია იყო, რის გამოც შოტლანდია დაცლილი და უფერული დამხვდა. ამიტომ მისი ნახვით ე.წ. „კულტურული შოკი“ ნაკლებად მივიღე, თუმცა საერთოდ გლაზგო ზედმიწევნით ასახავს როგორც უძველესი კულტურის, ასევე თანამედროვე ცხოვრების მომენტებს, ამიტომ შეუძლებელია გულგრილი დაგტოვოს.
- გლაზგომდე იტალიაში სემინარებს კითხულობდით...
- იტალიაში ექვსი კვირის განმავლობაში „აისეკის“ გაცვლითი პროგრამით 2017 წელს ვიყავი. ამ დროის განმავლობაში მქონდა შესაძლებლობა, რომ ერთ-ერთ სკოლაში IX–XI და დამამთავრებელი კლასის მოსწავლეებთან ჩამეტარებინა სემინარები კულტურის, განათლებისა და ევროპის კავშირის შესახებ. ეს იყო ჩემთვის პირველი საერთაშორისო გამოცდილება, რომელმაც ჩემზე გავლენა იქონია. ასე თუ ისე, შევძელი იმ ახალგაზრდებისთვის ჩემი ცოდნისა და დადებითი ემოციების გაზიარება.
- რა გამოცდილება შეგძინათ „აისეკის“ პროგრამაში მონაწილეობამ?
- მაშინ გამიჩნდა განცდა, რომ ადამიანებზე პოზიტიური გავლენის მოხდენა მართლა შემიძლია. როდესაც იტალიის მერე საქართველოში დავბრუნდი, როგორც ადამიანური რესურსების ვიცე-პრეზიდენტმა, ამავე ორგანიზაციის ერთ-ერთ ადგილობრივ კომიტეტში მთელი წელი მოხალისედ ვიმუშავე. მაშინ მომეცა შესაძლებლობა, რომ ურთიერთობა დამემყარებინა მსოფლიოს სხვადასხვა წერტილში მცხოვრებ თანატოლებთან, რამაც საერთაშორისო ურთიერთობების სფეროში უფრო მეტად გამიფართოვა თვალსაწიერი.
- ქართველები მზის გარეშე დიდხანს ვერ ვძლებთ და მუდმივად უამინდობას როგორ შეეგუეთ?
- წინასწარ ვიცოდი, რომ ოკეანესთან სიახლოვის გამო აქ უფრო ხშირად წვიმს და ცივი ამინდებია, მაგრამ მაინც არ მეგონა, თუ კვირაში 5-6 დღე იწვიმებდა. როცა აქ ჩამოვედი, იმდენად ციოდა, რომ ზამთრის ტანსაცმელი ჩავიცვი. ამ დროს ქუჩაში ადგილობრივები მოკლე შორტებით დადიოდნენ. თავი იმდენად უხერხულად ვიგრძენი, რომ მეგონა სიცივის განცდას ვაზვიადებდი, თუმცა ეს უხერხულობა ნელ-ნელა მომეხსნა.
- სამომავლო გეგმები როგორია?
- სამომავლოდ მინდა საფუძვლიანად შევისწავლო საგარეო პოლიტიკისა და სახელმწიფოთშორისი ურთიერთობები იმ საერთაშორისო სისტემაში, სადაც საქართველოს ადგილი და როლი თითქმის შეუმჩნეველია. მინდა საქართველოს უკეთესი მომავლის შენებაში აქტიურად ჩავება.
