ცოლის ცემისთვის დაკავებულ მარტვილის საკრებულოს დეპუტატს გირაო შეეფარდა

© photo: Sputnik / Vladimir Fedorenko / გადასვლა მედიაბანკშიმართლმსაჯულება
მართლმსაჯულება - Sputnik საქართველო, 1920, 07.10.2022
გამოწერა
НовостиTelegram
სამართალდამცველებს ზაალ გოროზიას მეუღლემ მიმართა, რომელმაც ქმარ-შვილი ძალადობაში დაადანაშაულა.
თბილისი, 7 ოქტომბერი — Sputnik. ცოლზე ძალადობის ბრალდებით დაკავებულ ოპოზიციური პარტია „ერთიანი ნაციონალური მოძრაობის“ მარტვილის ორგანიზაციის ხელმძღვანელს და საკრებულოს დეპუტატ ზაალ გოროზიას აღკვეთის ღონისძიების სახით 20 ათასი ლარის ოდენობით გირაო შეეფარდა.
აღნიშნული გადაწყვეტილება სენაკის რაიონულმა სასამართლომ დღეს მიიღო.
პროკურატურა ბრალდებულის პატიმრობაში დატოვებას, დაცვის მხარე კი აღკვეთის ღონისძიების სახით 5 ათასი ლარის გირაოს შეფარდებას მოითხოვდა.
მარტვილის საკრებულოს დეპუტატს „ნაციონალური მოძრაობიდან" ცოლის ცემისთვის ბრალი წაუყენეს>>>
საკრებულოს წევრი ცოლზე ძალადობის ბრალდებით 5 ოქტომბერს დააკავეს.
გამოძიების ცნობით, სიტყვიერი შელაპარაკების საფუძველზე ბრალდებულმა მეუღლეს ფიზიკური შეურაცხყოფა მიაყენა. შედეგად ცოლმა სხეულის მსუბუქი დაზიანებები მიიღო.
გამოძიება სსკ-ის 126-ე მუხლის პირველი ნაწილით მიმდინარეობს, რაც ოჯახის წევრზე განხორციელებულ ძალადობას გულისხმობს.
ეწვიეთ „Sputnik საქართველოს“ Telegram-არხს
ყველა ახალი ამბავი
0