საქართველოსა და თურქეთის საგარეო საქმეთა მინისტრებმა თანამშრომლობის საკითხები განიხილეს

© Ministry of Foreign Affairs of Georgia ილია დარჩიაშვილი და მევლუთ ჩავუშოღლუ
 ილია დარჩიაშვილი და მევლუთ ჩავუშოღლუ - Sputnik საქართველო, 1920, 23.09.2022
გამოწერა
დარჩიაშვილმა და ჩავუშოღლუმ შეხვედრა გაეროს გენერალური ასამბლეის ფარგლებში გამართეს.
თბილისი, 23 სექტემბერი - Sputnik. საქართველოსა და თურქეთის საგარეო საქმეთა მინისტრემა ილია დარჩიაშვილმა და მევლუთ ჩავუშოღლუმ გაეროს გენერალური ასამბლეის ფარგლებში შეხვედრა გამართეს და ორმხრივ და საერთაშორისო ფორმატებში ურთიერთმხარდაჭერისა და თანამშრომლობის საკითხები განიხილეს, იუწყება საქართველოს საგარეო უწყება.
მხარეებმა შეხვედრისას ისაუბრეს თანამშრომლობის წარმატებულ რეგიონალურ ფორმატებზე საქართველოსა და თურქეთის მონაწილეობით და ამ მიმართულებით ძალისხმევის გააქტიურების აუცილებლობაზე.
ასევე აღინიშნა სტაბილურობისა და მშვიდობის მნიშვნელობა რეგიონის მყარი განვითარებისთვის.
საქართველო და თურქეთი სტრატეგიული პარტნიორობის გაღრმავებას გეგმავენ>>
საქართველომ და თურქეთმა დიპლომატიური ურთიერთობები 1992 წლის 21 მაისს დაამყარეს. ქვეყნები თანამშრომლობენ ვაჭრობის, ეკონომიკის, ენერგეტიკის, რეგიონული უსაფრთხოების, განათლების სფეროებში და ერთმანეთს მნიშვნელოვან სტრატეგიულ პარტნიორებად მიიჩნევენ.
თურქეთი საქართველოს ნომერ პირველი სავაჭრო პარტნიორია. საქართველოსა და თურქეთის საგარეო სავაჭრო ბრუნვამ 2022 წლის პირველ შვიდ თვეში 1,5 მლრდ დოლარზე მეტი შეადგინა, რაც საქართველოს მთლიანი სავაჭრო ბრუნვის 15%-ია.
ეწვიეთ „Sputnik საქართველოს“ Telegram-არხს
ყველა ახალი ამბავი
0