რატომ არ ჰყავს ტურიზმის ადმინისტრაციას უფროსი: ეკონომიკის სამინისტროს პასუხი

© press-service of the Georgian National Tourism Administrationმარიამ ქვრივიშვილი
მარიამ ქვრივიშვილი - Sputnik საქართველო, 1920, 22.09.2022
გამოწერა
НовостиTelegram
ტურიზმის ეროვნული ადმინისტრაციის ხელმძღვანელის თანამდებობა ვაკანტურია 2020 წლის დეკემბრიდან.
თბილისი, 22 სექტემბერი – Sputnik. საქართველოს ეკონომიკისა და მდგრადი განვითარების მინისტრის მოადგილე მარიამ ქვრივიშვილი მიიჩნევს, რომ ტურიზმის ეროვნული ადმინისტრაციის უფროსის დანიშვნა საჩქარო არ არის, რადგან დეპარტამენტი წარმატებით მუშაობს, იუწყება BMG.
ტურიზმის ადმინისტრაციის ხელმძღვანელს ეკონომიკის მინისტრი ნიშნავს. დღემდე ტურიზმის ადმინისტრაციის ხელმძღვანელის მოვალეობის შემსრულებელი მედეა ჯანიაშვილია.

„ტურიზმის ადმინისტრაციას ჰყავს ძალიან წარმატებული და პროფესიონალი ხელმძღვანელის მოვალეობის შემსრულებელი, ქალბატონი მედეა ჯანიაშვილი. დღეს მე ძალიან ამაყად შემიძლია შევაფასო მისი საქმიანობა როგორც ძალიან წარმატებულის, რომელიც სრულ კოორდინაციაშია ეკონომიკის სამინისტროსთან და კერძო სექტორთან“, – განაცხადა ქვრივიშვილმა.

კითხვაზე, აპირებს თუ არა ეკონომიკის სამინისტრო კონკურსის გამოცხადებას ან ახალი უფროსის დანიშვნას, ქვრივიშვილმა უპასუხა, რომ „არ აჩქარდებიან“.
„ყველაზე მნიშვნელოვანი არის ის, რომ ტურიზმის ინდუსტრია წარმატებით ვითარდება; ტურიზმის ადმინისტრაცია აგრძელებს წარმატებულ საქმიანობას და ამ შემთხვევაში ეს არის მთავარი კრიტერიუმი, რომლითაც ყველა ვხელმძღვანელობთ“, – აღნიშნა ქვრივიშვილმა.
ტურიზმის ეროვნული ადმინისტრაციის ხელმძღვანელის თანამდებობა ვაკანტურია 2020 წლის დეკემბრიდან, ანუ მას შემდეგ, რაც მარიამ ქვრივიშვილმა ეს თანამდებობა დატოვა და დეპუტატი გახდა. რამდენიმე თვის შემდეგ მან უარი თქვა პარლამენტის მანდატზე და ეკონომიკის მინისტრის მოადგილე გახდა.
ყველა ახალი ამბავი
0