ნიკო კვარაცხელიას მკვლელობის საქმის კიდევ ერთი ფიგურანტი დამნაშავედ ცნეს

© photo: Sputnik / Stringerსაპატიმრო
საპატიმრო - Sputnik საქართველო, 1920, 21.09.2022
გამოწერა
НовостиTelegram
ნიკო კვარაცხელიას მკვლელობის მოტივი დღემდე უცნობია.
თბილისი, 21 სექტემბერი – Sputnik. თბილისის საქალაქო სასამართლომ 22 წლის პროგრამისტ ნიკო კვარაცხელიას მკვლელობის საქმეზე განსაკუთრებით მძიმე დანაშაულის დაფარვისთვის ბრალდებული ირაკლი ბიბინეიშვილი დამნაშავედ ცნო და სამი წლის ვადით პატიმრობა შეუფარდა. ამის შესახებ ინფორმაციას საქართველოს პროკურატურა ავრცელებს.
ქართული ონლაინ-პლატფორმა Feedc-ის შემქმნელის მკვლელობა თბილისში 2021 წლის 15 სექტემბერს მოხდა. „კანონიერი ქურდის“ გია კვარაცხელიას ვაჟს ათზე მეტი ტყვია ესროლეს. ბრალდებულების - აკო ჭელიძის და გიორგი კავილაძის იდენტიფიცირება ვიდეკამერების ჩანაწერებით მოხდა. ისინი სპეცოპერაციის შედეგად წყნეთში, მიტოვებულ სახლში 7 ოქტომბერს დააკავეს. აკო ჭელიძეს 17 წლით, ხოლო გიორგი კავილაძეს 16 წლით თავისუფლების აღკვეთა აქვთ შეფარდებული.
ნიკო კვარაცხელიას მკვლელობაში ბრალდებულ ჭელიძეს და კავილაძეს პატიმრობა შეეფარდათ>>>
ბიბინეიშვილის საქმის განხილვისას თბილისის საქალაქო სასამართლომ გაიზიარა პროკურატურის მიერ წარდგენილი მტკიცებულებები, რომლითაც დადასტურდა – დაკავებულისთვის ცნობილი იყო, რომ აკო ჭელიძემ და გიორგი კავილაძემ მოკლეს ნიკა კვარაცხელია და მათზე ძებნა იყო გამოცხადებული. ამის მიუხედავად, მან დაფარა ბრალდებულთა ადგილსამყოფელი, არ შეატყობინა სამართალდამცველებს და დანაშაულის ჩამდენი პირები საცხოვრებელ სახლში შეიფარა.
საქმის მასალების თანახმად, კავილაძე და ჭელიძე ბიბინეიშვილის სახლში 19 სექტემბერს, 02:03 საათზე მივიდნენ და მასპინძლის მიერ გამოძახებული ტაქსით მისი სახლი 16:00 საათზე დატოვეს.
სამართალდამცველებმა მძიმე დანაშაულის დაფარვისთვის ბიბინეიშვილი მიმდინარე წლის 23 თებერვალს მოსამართლის განჩინების საფუძველზე დააკავეს. მას ბრალდება საქართველოს სსკ-ის 375-ე მუხლით (განსაკუთრებით მძიმე დანაშაულის დაფარვა) წარედგინა.
ყველა ახალი ამბავი
0