სოფელ გრემთან ფოტოხაფანგმა ვანდალური ფაქტი დააფიქსირა

© photo: Sputnik / Stringerკახეთი
კახეთი - Sputnik საქართველო, 1920, 19.09.2022
გამოწერა
НовостиTelegram
ვანდალიზმით გამოწვეული ფინანსური ზარალი ათეულობით ათას ლარს აღემატება.
თბილისი, 19 სექტემბერი – Sputnik. კახეთის რეგიონში, სოფელ გრემის მიმდებარედ ფოტოხაფანგმა მიწისქვეშა წყლების მონიტორინგის ავტომატურ სადგურზე ვანდალური ფაქტი გამოავლინა. ამის შესახებ ინფორმაციას გარემოს ეროვნული სააგენტო ავრცელებს.
უწყების ცნობით, დაზიანებულია მიწისქვეშა მტკნარი სასმელი წყლების მონიტორინგის ქსელის ავტომატური სადგურის მკვებავი მზის ენერგიის პანელი და შიდა ელექტრომოწყობილობები.
ვანდალური ფაქტის განმახორციელებელი პირი უკვე იდენტიფიცირებულია. მასალა კი შემდგომი რეაგირების მიზნით შესაბამის უწყებაში გადაიგზავნა.
საქართველო წყლის ხარისხის მონიტორინგს გააძლიერებს>>>
მიწისქვეშა წყლების მონიტორინგის ავტომატური სადგურები მოსახლეობის უსაფრთხოების დაცვას ემსახურება. მათი საშუალებით გარემოს ეროვნულ სააგენტოს უწყვეტ რეჟიმში მიეწოდება მონაცემები სხვადასხვა მდინარის წყლის დონეების მატების და მიმდებარე ტერიტორიაზე მოსული ატმოსფერული ნალექების რაოდენობის შესახებ. სადგურებიდან მიღებული ინფორმაციით ასევე ხდება მიწისქვეშა მტკნარი სასმელი წყლების რაოდენობრივი და ხარისხობრივი ძირითადი მახასიათებლების დადგენა.
მიწისქვეშა მტკნარი სასმელი წყლების მონიტორინგის ქსელის ავტომატური სადგურები ძირითადად დაუსახლებელ ადგილებზე და მდინარეების მიმდებარედაა დადგმული. აღნიშნული სადგურების დაზიანებისა და ძარცვის გახშირებული შემთხვევების გამო გარემოს ეროვნულმა სააგენტომ გასულ წელს სადგურებზე ფოტოხაფანგები დაამონტაჟა.
ეწვიეთ „Sputnik საქართველოს“ Telegram-არხს
ყველა ახალი ამბავი
0