გლადიატორთა ბრძოლები და ცეცხლის შოუ - აჭარაში „რომაული ფესტივალი“ იხსნება

© courtesy of Gonio Apsaros Fortress„რომაული ფესტივალი“ გონიოს ციხეში
„რომაული ფესტივალი“ გონიოს ციხეში - Sputnik საქართველო, 1920, 18.09.2022
გამოწერა
გონიოს ციხე ბოლო რამდენიმე წლის განმავლობაში ტურისტების საყვარელ ადგილად იქცა.
თბილისი, 18 სექტემბერი – Sputnik. აჭარის კულტურული მემკვიდრეობის სააგენტო 18 სექტემბერს გონიოს ციხის ტერიტორიაზე „რომაულ ფესტივალს“ ატარებს, ნათქვამია უწყების განცხადებაში.
მუზეუმ-ნაკრძალი, რომელიც მოიცავს გონიოს ციხეს და მიმდებარე ტერიტორიას, 1994 წელს დაარსდა. არქეოლოგიური გათხრების დროს აქ ელინისტური ხანის მასალები აღმოაჩინეს. ციხის ტერიტორიაზე „რომაული ფესტივალი“ 2019 წლიდან იმართება.
ორგანიზატორების ინფორმაციით, ციხის ტერიტორიაზე I-III საუკუნეების ძველი რომაელი მეომრების ყოველდღიურ ცხოვრებას გააცოცხლებენ. სტუმრებს საშუალება ექნებათ იხილონ თეატრალური სანახაობა „ფარსმან ქველის სტუმრობა რომში“, რომაული ქორწილი, ანტიკური ცეკვები, გლადიატორთა ორთაბრძოლა, გაცოცხლებული ქანდაკებები, ცეცხლოვანი შოუ.
© photo: Sputnik / Alexander Imedashviliგონიოს ციხე
Крепость Гонио - Sputnik საქართველო, 1920, 18.09.2022
გონიოს ციხე
ფესტივალი 16:00 საათზე იწყება, შესვლა თავისუფალია.
ფესტივალის სტუმრები ასევე დააგემოვნებენ რომაულ კერძებს, მონაწილეობას მიიღებენ რომაულ თამაშებში და ერთი დღით გახდებიან იმ ეპოქის მონაწილეები.
გონიოს ციხე ბოლო რამდენიმე წლის განმავლობაში ტურისტების საყვარელ ადგილად იქცა. მიიჩნევა, რომ ციხე აგებულია ჩვენი წელთაღრიცხვის I საუკუნეში. ცნობილია, რომ საქართველოში ერთ-ერთი უძველესი დასახლება ციხის ირგვლივ მდებარეობდა.
© Sputnik / Agnes Papazianგონიოს ციხე
Крепость Гонио, водопровод - Sputnik საქართველო, 1920, 18.09.2022
გონიოს ციხე
გონიო-აფსაროსის ციხე უნიკალური სტრატეგიული მნიშვნელობის იყო. ამიტომაც ის წარმოადგენდა ერთ-ერთ დასაყრდენ ციტადელს შავი ზღვის რეგიონში, ჯერ რომის, შემდეგ კი ბიზანტიისა და ოსმალეთის იმპერიებისთვის.
ყველა ახალი ამბავი
0