მსოფლიო ხელისგულზე - Sputnik საქართველო, 1920
მსოფლიო დღეს
მსოფლიოში მიმდინარე უახლესი ახალი ამბები, მსოფლიოს წინაშე მდგარი გამოწვევები, აქტუალური თემები, მიმოხილვა და ანალიზი იხილეთ Sputnik საქართველოს ვებგვერდზე.

SCO-ს წევრმა ქვეყნებმა გადახდებში ეროვნული ვალუტების წილის გაზრდის საგზაო რუკა დაამტკიცეს

SCO-ს სამიტი - Sputnik საქართველო, 1920, 16.09.2022
გამოწერა
შანხაის თანამშრომლობის ორგანიზაციის სამიტი უზბეკეთის ქალაქ სამარყანდში 15 სექტემბერს დაიწყო და ის დღეს, 16 სექტემბერს დაასრულებს მუშაობას.
თბილისი, 16 სექტემბერი — Sputnik. შანხაის თანამშრომლობის ორგანიზაციაში (SCO) შემავალმა სახელმწიფოებმა სამარყანდში მიმდინარე სამიტზე დაამტკიცეს გადახდებში ეროვნული ვალუტების წილის გაზრდის საგზაო რუკა, იუწყება РИА Новости კრემლის პრეს-სამსახურზე დაყრდნობით.
რუსეთის პრეზიდენტმა ვლადიმირ პუტინმა სახელმწიფო მეთაურების საბჭოს სხდომაზე სიტყვით გამოსვლისას აღნიშნა, რომ ასეთი გადახდები სულ უფრო მეტი ხდება. მისი თქმით, ორგანიზაციის მონაწილეთა ერთობლივი ძალისხმევით ფართოვდება სავაჭრო-საინვესტიციო გაცვლები და რეალიზდება ურთიერთმომგებიანი კომერციული პროექტები სხვადასხვა დარგებში.
სამიტის დასრულების შემდეგ ერთობლივ განცხადებაში SCO-ს წევრი ქვეყნების ლიდერებმა დაადასტურეს სწრაფვა მიწოდების საერთაშორისო ჯაჭვის მდგრადობის, საიმედოობისა და სტაბილურობის, თანამშრომლობის ღიაობისა და ტრანსფარენტულობის უზრუნველყოფისკენ, გამოხატეს მზადყოფნა ხელი შეუწყონ ურთიერთქმედებების გაღრმავებას და ორმხრივი ვაჭრობის ზრდას.
ამასთან, მათ აღნიშნეს ცალმხრივი ეკონომიკური ზომების დამანგრეველი გავლენა, რომელიც ეწინააღმდეგება ვაჭრობის მსოფლიო ორგანიზაციის საერთო პრინციპებსა და წესებს მიწოდების ჯაჭვის უსაფრთხოებასა და სტაბილურობაზე, მრავალმხრივ სავაჭრო სისტემაზე და მის ყველა მონაწილეზე.
SCO-ს სამიტზე სამარყანდის დეკლარაციას მოეწერა ხელი>>>
შანხაის თანამშრომლობის ორგანიზაციის სამიტი უზბეკეთის ქალაქ სამარყანდში 15 სექტემბერს დაიწყო და ის დღეს, 16 სექტემბერს დაასრულებს მუშაობას. სამიტის მონაწილეებმა ხელი მოაწერეს სამარყანდის დეკლარაციას, რომელშიც გამყარებულია წევრი ქვეყნების პოზიციები უმნიშვნელოვანეს რეგიონულ და გლობალურ საკითხებთან დაკავშირებით.
შანხაის თანამშრომლობის ორგანიზაცია (SCO) 2001 წელს დაარსდა. მასში შედიან: ინდოეთი, ყაზახეთი, ჩინეთი, ყირგიზეთი, რუსეთი, ტაჯიკეთი, პაკისტანი და უზბეკეთი. SCO-ს დამკვირვებელი ქვეყნებია: ავღანეთი, ბელარუსი, ირანი და მონღოლეთი; პარტნიორი ქვეყნებია: აზერბაიჯანი, სომხეთი, კამბოჯა, ნეპალი, თურქეთი და შრი-ლანკა. 2021 წლის სექტემბერში დუშანბეში გამართულ სამიტზე ორგანიზაციაში ირანისა და ეგვიპტის მიღების პროცედურა, ხოლო კატარისა და საუდის არაბეთისთვის — პარტნიორის სტატუსის მინიჭების პროცედურა დაიწყო.
ყველა ახალი ამბავი
0