მსოფლიო ხელისგულზე - Sputnik საქართველო, 1920
მსოფლიო დღეს
მსოფლიოში მიმდინარე უახლესი ახალი ამბები, მსოფლიოს წინაშე მდგარი გამოწვევები, აქტუალური თემები, მიმოხილვა და ანალიზი იხილეთ Sputnik საქართველოს ვებგვერდზე.

ახალგაზრდა კაცმა თითიდან კანი აიჭრა და მეგობარს დააწება, რათა მას ტესტი მის ნაცვლად გაევლო

CC BY 2.0 / Photo: Alan Levine / Printed, Not Bookedთითების ანაბეჭდი
თითების ანაბეჭდი - Sputnik საქართველო, 1920, 30.08.2022
გამოწერა
НовостиTelegram
თბილისი, 30 აგვისტო — Sputnik. ახალგაზრდა მამაკაცმა, რომელსაც რკინიგზაზე დასაქმება სურდა, საკუთარი თითის ანაბეჭდი მეგობარს დააწება თითზე, რათა ამ უკანასკნელს ტესტირება მის მაგივრად გაევლო, იუწყება NDTV.
გავრცელებული ინფორმაციით, ინდოეთის ქალაქ ვადოდარის რკინიგზის კერძო კომპანია ვაკანტურ ადგილზე კანდიდატების ტესტირებას ატარებდა, რომელზე მოსახვედრადაც ბიომეტრიული შემოწმების გავლა იყო საჭირო. მანიშ კუმარი ერთ-ერთი იყო 600 კანდიდატს შორის. მამაკაცს იმდენად ეეჭვებოდა თავისი ცოდნა, რომ გახურებული ტაფის მეშვეობით კანი აიძრო ცერა თითიდან და ის მეგობარს, რაჯაგურუ გუფთას დააწება, რომელიც სასწავლებელში კარგი მოსწრებით გამოირჩეოდა.
კუმარის სამწუხაროდ, როდესაც მის მეგობარს თითზე სადეზინფექციო ხსნარი დაასხურეს, მიწებებული ანაბეჭდი თითს მოსძვრა. კომპანიის თანამშრომლებმა ეს შენიშნეს და მაშინვე პოლიციას შეატყობინეს. დანაშაულში გამოჭერილმა მალევე აღიარა, რომ მეგობრის ნაცვლად აპირებდა ტესტირების გავლას.

„გამოცდის წინა დღეს კუმარმა ცერა თითი გახურებულ ტაფას დაადო. დამწვრობის შედეგად მას თითზე წყლული გამოებერა. კუმარმა სამართებლით აიჭრა კანი და ის გუფთას დააწება მარცხენა ხელის ცერზე, ვინაიდან იცოდა, რომ საგამოცდო ცენტრში ბიომეტრიული შემოწმება ჩატარდებოდა პიროვნების იდენტიფიკაციისთვის“, — განაცხადეს პოლიციაში.

სამართალდამცველების თქმით, ამ დროისათვის თაღლითობაში გამოჭერილი 20 წლის მეგობრები დაკავებული არიან.
წყარო: NDTV
ყველა ახალი ამბავი
0