https://sputnik-georgia.com/20220830/germania-safrangeti-sengenis-vizebis-akrzalva-rusebistvis-269889830.html
გერმანია და საფრანგეთი რუსებისთვის შენგენის ვიზების სრულ აკრძალვას არ ეთანხმებიან
გერმანია და საფრანგეთი რუსებისთვის შენგენის ვიზების სრულ აკრძალვას არ ეთანხმებიან
Sputnik საქართველო
თბილისი, 30 აგვისტო — Sputnik. რუსეთის მოქალაქეებისთვის შენგენის ზონის ქვეყნებში ვიზების გაცემის სრული აკრძალვა შეუძლებელია, საჭიროა, რომ დეტალურად შემოწმდეს... 30.08.2022-ს, Sputnik საქართველო
2022-08-30T10:14+0400
2022-08-30T10:14+0400
2023-07-20T15:46+0400
პოლიტიკა
რუსეთ-უკრაინის კონფლიქტი
ევროკავშირი
სანქციები რუსეთის წინააღმდეგ
მსოფლიო დღეს
მსოფლიოს ახალი ამბები
https://cdnn1.img.sputnik-georgia.com/img/07e6/08/1e/269889665_0:141:3139:1907_1920x0_80_0_0_982a87b39ab24085f4f0b4375c2a9bb0.jpg
თბილისი, 30 აგვისტო — Sputnik. რუსეთის მოქალაქეებისთვის შენგენის ზონის ქვეყნებში ვიზების გაცემის სრული აკრძალვა შეუძლებელია, საჭიროა, რომ დეტალურად შემოწმდეს დოკუმენტები, რომლებსაც ისინი ვიზების მისაღებად წარმოადგენენ, ნათქვამია გერმანიისა და საფრანგეთის ხელისუფლებების ერთობლივ განცხადებაში.ეს განცხადება ევროკავშირს საგარეო საქმეთა მინისტრების შეხვედრის წინ გაეგზავნა, რომელიც პრაღაში დღეს, 30 აგვისტოს გაიმართება. როგორც მოსალოდნელია, მინისტრებმა სწორედ ამ შეხვედრაზე უნდა შეათანხმონ რუსეთის მოქალაქეებისთვის სავიზო შეზღუდვები.ბერლინი და პარიზი საჭიროდ მიიჩნევენ არსებული საკანონმდებლო ბაზის შენარჩუნებას, რომელიც საშუალებას აძლევს რუს სტუდენტებს, ხელოვანებს, მეცნიერებსა და სხვა საკვანძო სპეციალისტებს, შევიდნენ ევროკავშირის ქვეყნებში „იმის მიუხედავად, ექვემდებარებიან თუ არა ისინი პირად პოლიტიკურ დევნას“.ბორელი: რუსებისთვის შენგენის ვიზების სრულ აკრძალვას ევროკავშირი მხარს არ დაუჭერსგარდა ამისა, გერმანიისა და საფრანგეთის მთავრობებში დაუშვებლად მიაჩნიათ „რუსების მომავალი თაობების გაუცხოება“. ამასთან ორივე ქვეყანაში ფიქრობენ, რომ შენგენის ვიზების აკრძალვამ „შესაძლოა რუსეთში ნაციონალისტური და ანტიევროპული განწყობის ზრდა გამოიწვიოს“.ბერლინისა და პარიზის აზრით, საჭიროა და აუცილებელი, რომ რუსეთის მოქალაქეების მიერ წარდგენილი სავიზო განაცხადები გულდასმით იყოს შესწავლილი „უსაფრთხოების პოტენციურ რისკებზე“ და ვიზების გაცემის მნიშვნელოვანი ბერკეტი გონივრულად გამოიყენონ.აღსანიშნავია, რომ რუსეთის მოქალაქეებისთვის სავიზო შეზღუდვებს, გერმანიისა და საფრანგეთის გარდა, ოფიციალურად არ უჭერენ მხარს შეერთებული შტატები, პორტუგალია, კვიპროსი და საბერძნეთი. ევროპული დიპლომატიის ხელმძღვანელი ჟოზეპ ბორელი ასევე მიიჩნევს, რომ „ეს არც ისე კარგი იდეაა“.რუსეთის მოქალაქეებისთვის ევროკავშირში შესვლის შეზღუდვების განხილვა უკრაინაში სამხედრო მოქმედებების ფონზე დაიწყო. ლატვიამ, ლიეტუვამ, ჩეხეთმა და ესტონეთმა უკვე შეაჩერეს ვიზების გაცემა, დანიამ და ნიდერლანდმა მოკლევადიანი ვიზების გაცემაზე თქვეს უარი, ფინეთი კი სექტემბრიდან გაანახევრებს რუსეთის მოქალაქეებისგან სავიზო განაცხადების მიღებას.წყარო: DPA
ევროკავშირი
Sputnik საქართველო
media@sputniknews.com
+74956456601
MIA „Rosiya Segodnya“
2022
Sputnik საქართველო
media@sputniknews.com
+74956456601
MIA „Rosiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rosiya Segodnya“
https://cdnn1.img.sputnik-georgia.com/img/07e6/08/1e/269889665_204:0:2935:2048_1920x0_80_0_0_0c1fc984754a462fb21d989c5d60e0cf.jpgSputnik საქართველო
media@sputniknews.com
+74956456601
MIA „Rosiya Segodnya“
პოლიტიკა, რუსეთ-უკრაინის კონფლიქტი, ევროკავშირი , სანქციები რუსეთის წინააღმდეგ, მსოფლიოს ახალი ამბები
პოლიტიკა, რუსეთ-უკრაინის კონფლიქტი, ევროკავშირი , სანქციები რუსეთის წინააღმდეგ, მსოფლიოს ახალი ამბები
თბილისი, 30 აგვისტო — Sputnik. რუსეთის მოქალაქეებისთვის შენგენის ზონის ქვეყნებში ვიზების გაცემის სრული აკრძალვა შეუძლებელია, საჭიროა, რომ დეტალურად შემოწმდეს დოკუმენტები, რომლებსაც ისინი ვიზების მისაღებად წარმოადგენენ, ნათქვამია გერმანიისა და საფრანგეთის ხელისუფლებების ერთობლივ განცხადებაში.
ეს განცხადება ევროკავშირს საგარეო საქმეთა მინისტრების შეხვედრის წინ გაეგზავნა, რომელიც პრაღაში დღეს, 30 აგვისტოს გაიმართება. როგორც მოსალოდნელია, მინისტრებმა სწორედ ამ შეხვედრაზე უნდა შეათანხმონ რუსეთის მოქალაქეებისთვის სავიზო შეზღუდვები.
ბერლინი და პარიზი საჭიროდ მიიჩნევენ არსებული საკანონმდებლო ბაზის შენარჩუნებას, რომელიც საშუალებას აძლევს რუს სტუდენტებს, ხელოვანებს, მეცნიერებსა და სხვა საკვანძო სპეციალისტებს, შევიდნენ ევროკავშირის ქვეყნებში „იმის მიუხედავად, ექვემდებარებიან თუ არა ისინი პირად პოლიტიკურ დევნას“.
გარდა ამისა, გერმანიისა და საფრანგეთის მთავრობებში დაუშვებლად მიაჩნიათ „რუსების მომავალი თაობების გაუცხოება“. ამასთან ორივე ქვეყანაში ფიქრობენ, რომ შენგენის ვიზების აკრძალვამ „შესაძლოა რუსეთში ნაციონალისტური და ანტიევროპული განწყობის ზრდა გამოიწვიოს“.
ბერლინისა და პარიზის აზრით, საჭიროა და აუცილებელი, რომ რუსეთის მოქალაქეების მიერ წარდგენილი სავიზო განაცხადები გულდასმით იყოს შესწავლილი „უსაფრთხოების პოტენციურ რისკებზე“ და ვიზების გაცემის მნიშვნელოვანი ბერკეტი გონივრულად გამოიყენონ.
„ჩვენმა სავიზო პოლიტიკამ კვლავაც უნდა... დაუშვას ევროკავშირისა და რუსეთის იმ მოქალაქეებს შორის კონტაქტები, რომლებიც არ არიან დაკავშირებული რუსეთის მთავრობასთან“, — ნათქვამია განცხადებაში.
აღსანიშნავია, რომ რუსეთის მოქალაქეებისთვის სავიზო შეზღუდვებს, გერმანიისა და საფრანგეთის გარდა, ოფიციალურად არ უჭერენ მხარს შეერთებული შტატები, პორტუგალია, კვიპროსი და საბერძნეთი. ევროპული დიპლომატიის ხელმძღვანელი ჟოზეპ ბორელი ასევე მიიჩნევს, რომ „ეს არც ისე კარგი იდეაა“.
რუსეთის მოქალაქეებისთვის ევროკავშირში შესვლის შეზღუდვების განხილვა უკრაინაში სამხედრო მოქმედებების ფონზე დაიწყო. ლატვიამ, ლიეტუვამ, ჩეხეთმა და ესტონეთმა უკვე შეაჩერეს ვიზების გაცემა, დანიამ და ნიდერლანდმა მოკლევადიანი ვიზების გაცემაზე თქვეს უარი, ფინეთი კი სექტემბრიდან გაანახევრებს რუსეთის მოქალაქეებისგან სავიზო განაცხადების მიღებას.