საგანგებო სიტუაციების მართვის სამსახური მოსახლეობას აფრთხილებს

© Government of Georgiaხანძართან ბრძოლა
ხანძართან ბრძოლა - Sputnik საქართველო, 1920, 24.08.2022
გამოწერა
საქართველოში 28 აგვისტომდე ცხელი და უმეტესად უნალექო ამინდი შენარჩუნდება.
თბილისი, 24 აგვისტო – Sputnik. შინაგან საქმეთა სამინისტროს საგანგებო სიტუაციების მართვის სამსახური ქვეყნის ტერიტორიაზე ტყის ხანძრების პრევენციის და შესაძლო გართულებების თავიდან აცილების მიზნით საზოგადოებას მოუწოდებს, არ დაანთონ ცეცხლი სასოფლო-სამეურნეო სავარგულებზე, ტყის ან ველის სიახლოვეს, ასევე არ დატოვონ ცეცხლის კერები უყურადღებოდ.
უწყებაში განაცხადეს, რომ გარემოს ეროვნული სააგენტოს მიერ მიწოდებული ინფორმაციით, 28 აგვისტომდე საქართველოში ცხელი და უმეტესად უნალექო ამინდი შენარჩუნდება.
გარდა ამისა, ჰაერის მაღალ ტემპერატურასთან ერთად კოლხეთის დაბლობზე, ზემო იმერეთში, შავი ზღვის სანაპირო რაიონებში, გორი-სურამის მონაკვეთზე და მთიანი რეგიონების ზოგიერთ რაიონში ძლიერი ქარიც არის მოსალოდნელი, რაც კიდევ უფრო ზრდის ტყის ხანძრების გაჩენის რისკს.
უწყებაში მოსახლეობას აფრთხილებენ, რომ საყოფაცხოვრებო ნარჩენებს თვითაალება შეუძლიათ, ამიტომ მოუწოდებენ, ნუ დაანაგვიანებენ გარემოს და ნუ შეუწყობენ ხელს ტყის ხანძრების გაჩენას.
არ დაწვათ მცენარეული ნარჩენები - გარემოსდაცვითი ზედამხედველობის დეპარტამენტის გაფრთხილება>>
ამასთან, შინაგან საქმეთა სამინისტროს საგანგებო სიტუაციების მართვის სამსახური მოსახლეობას მიმართავს, რომ დაკვამლიანების ან ცეცხლის შემჩნევის შემთხვევაში დაუყოვნებლივ აცნობონ შინაგან საქმეთა სამინისტროს საზოგადოებრივი უსაფრთხოების მართვის ცენტრ „112“-ს.
ყველა ახალი ამბავი
0