სკოლების მშენებლობა და რეაბილიტაცია - მალე ტენდერი გამოცხადდება

© Ministry of Education and Science of Georgiaღარიბაშვილი და ჩხენკელი სკოლების მშენებლობა–რეაბილიტაციაზე მსჯელობენ
ღარიბაშვილი და ჩხენკელი სკოლების მშენებლობა–რეაბილიტაციაზე მსჯელობენ - Sputnik საქართველო, 1920, 17.08.2022
გამოწერა
НовостиTelegram
მთავრობის ადმინისტრაციის ინფორმაციით, 2026 წლის ბოლოსთვის ყველა საჯარო ზოგადსაგანმანათლებლო დაწესებულება ინფრასტრუქტურულად გამართული იქნება.
თბილისი, 17 აგვისტო – Sputnik. 800 სკოლის მშენებლობა–რეაბილიტაციის პირველი ეტაპი მიმდინარე წლის სექტემბერი–ოქტომბერში დაიწყება და ტენდერი გამოცხადდება 80 ახალი სკოლის მშენებლობასა და 320 სკოლის რეაბილიტაციაზე. ამის შესახებ ინფორმაციას მთავრობის ადმინისტრაცია ავრცელებს.
უწყების ცნობით, მთავრობის ადმინისტრაციაში გამართულ სამუშაო შეხვედრაზე პროექტის დეტალები განიხილეს.
პროექტის თანახმად, დარჩენილი 400 სკოლის რეაბილიტაციის ტენდერი 2023-2024 წლებში გამოცხადდება და 2026 წლის ბოლოსთვის ჯამში 800 სკოლის მშენებლობა–რეაბილიტაცია განხორციელდება.
„პროექტი საგანმანათლებლო რესურსებზე თანაბარ ხელმისაწვდომობასა და მათ გაუმჯობესებას უზრუნველყოფს და მისი განხორციელებით 230 ათასზე მეტი მოსწავლე ისარგებლებს“, – აღნიშნულია განცხადებაში.

ადმინისტრაციის ინფორმაციით, რეაბილიტაციისა და ახალი სკოლების მშენებლობის დროს გათვალისწინებულია მათი აღჭურვა თანამედროვე სტანდარტების შესაბამისად. კერძოდ, მოეწყობა თანამედროვე ლაბორატორიები, გაიმართება სპორტული ინფრასტრუქტურა, ასევე ყველა სკოლა მთლიანად ადაპტირებული იქნება სპეციალური საგანმანათლებლო საჭიროების მქონე მოსწავლეებისთვის.

პროექტის ღირებულება 1 მლრდ ლარს შეადგენს.
ყველა ახალი ამბავი
0