„იდუმალი სტუმარი“ აჭარაში კვების ობიექტებს ამოწმებს

© photo: Sputnik / Alexander Imedashviliრესტორნები ბათუმში
რესტორნები ბათუმში - Sputnik საქართველო, 1920, 16.08.2022
გამოწერა
НовостиTelegram
აჭარის ტურიზმის დეპარტამენტი მიღებულ მონაცემებს 2023 წლის სატრენინგო პროგრამების დაგეგმვისას გაითვალისწინებს.
თბილისი, 16 აგვისტო – Sputnik. აჭარაში კვების ობიექტების მომსახურების ხარისხის კვლევა მიმდინარეობს. ინფორმაციას აჭარის ტურიზმისა და კურორტების დეპარტამენტი ავრცელებს.
უწყების ინფორმაციით, აჭარის ტურიზმის დეპარტამენტი სერვისის დონეს რეგიონში არსებულ 100 ობიექტში „იდუმალი სტუმრის“ მეთოდით შეაფასებს.
პროექტის მიზანი მომსახურების სფეროში არსებული გამოწვევების დადგენა და მათი აღმოფხვრის მიზნით სატრენინგო პროგრამების შემუშავებაა, რაც საბოლოო ჯამში სერვისის გაუმჯობესებას შეუწყობს ხელს.

„იდუმალი სტუმრის“ კვლევის შედეგები კვების ობიექტების წარმომადგენლებს ინდივიდუალურად მიეწოდებათ, რათა მათ ინფორმაცია ჰქონდეთ არსებულ ხარვეზებთან დაკავშირებით და შეძლონ მათი გამოსწორება. აჭარის ტურიზმის დეპარტამენტი, თავის მხრივ, არსებულ მონაცემებს 2023 წლის სატრენინგო პროგრამების დაგეგმვისას გაითვალისწინებს“, – აღნიშნულია ინფორმაციაში.

აჭარის ტურიზმის დეპარტამენტი რეგიონში ყოველწლიურად სერვისის გაუმჯობესების მიზნით ტურისტული სექტორის 1000-მდე წარმომადგენლის გადამზადებას უზრუნველყოფს. მათ შორისაა საგანმანათლებლო პროგრამები გიდებისთვის, კვებისა და განთავსების ობიექტების, ტურისტული სააგენტოებისა და საოჯახო-სასტუმრო სახლების წარმომადგენლებისთვის.
ყველა ახალი ამბავი
0