თბილისის პარკინგის მომხმარებლები დროებით არ დაჯარიმდებიან

© photo: Sputnik / Alexander Imedashviliფასიანი სადგომი
ფასიანი სადგომი - Sputnik საქართველო, 1920, 15.08.2022
გამოწერა
НовостиTelegram
ტექნიკური დახმარების საჭიროების შემთხვევაში მოქალაქეებმა მუნიციპალიტეტის სერვის-ცენტრებს უნდა მიმართონ.
თბილისი, 15 აგვისტო – Sputnik. თბილისის მერიის ონლაინ აპლიკაციების მომხმარებელთა გაერთიანების პერიოდში, სისტემის სრულ გამართვამდე, ზონალურ-საათობრივი პარკირების სისტემის მომხმარებლები არ დაჯარიმდებიან. ამის შესახებ ინფორმაციას თბილისის მერია ავრცელებს.
უწყების ცნობით, სხვადასხვა ონლაინ აპლიკაციის მომხმარებლები ერთ მომხმარებლად გაერთიანდებიან (ერთი მომხმარებელი და ერთი პაროლი), რაც ელექტრონულ სისტემებში მოქალაქეთა მუშაობას გაამარტივებს. აღნიშნული ცვლილების მიზანი თბილისის მუნიციპალური ელექტრონული სისტემების მოხმარების გამარტივებაა.

„მომხმარებლების გაერთიანების შემდეგ მოქალაქეს ექნება შესაძლებლობა ერთი მომხმარებლის პაროლით ისარგებლოს შემდეგი ელექტრონული სისტემებით: თბილისის პარკინგი, თბილისის ტაქსი, ონლაინ განცხადებების პორტალი და ა.შ.“ – ნათქვამია განცხადებაში.

როგორც განცხადებაშია აღნიშნული, რეფორმის გამო ფიქსირდება ტექნიკური შეფერხებები, რომლის დროსაც იარსებებს საშეღავათო პერიოდი და ზონალურ-საათობრივი პარკირების სისტემის მომხმარებლები ელექტრონული სისტემების სრულად გამართვამდე არ დაჯარიმდებიან.
თბილისის მერიის სხვადასხვა ონლაინ აპლიკაციის მომხმარებლები ერთ მომხმარებლად გაერთიანდებიან>>
თბილისში ზონალურ-საათობრივი პარკირების სისტემა პირველად 2019 წლის 1 აგვისტოდან ამოქმედდა. ამ ეტაპზე ასეთი პარკირების ზონები დედაქალაქის რამდენიმე უბანში ფუნქციონირებს, ძირითადად, ქალაქის ცენტრალურ უბნებში, სადაც 1-საათიანი პარკირების ღირებულება 1 ლარია. ამასთან, პარკირების პირველი 15 წუთი უფასოა.
ყველა ახალი ამბავი
0