თბილისის მერიის სხვადასხვა ონლაინ აპლიკაციის მომხმარებლები ერთ მომხმარებლად გაერთიანდებიან

© Pixabay / Pexelsგოგონა სმარტფონით ხელში
გოგონა სმარტფონით ხელში - Sputnik საქართველო, 1920, 12.08.2022
გამოწერა
НовостиTelegram
მოქალაქე ერთი ანგარიშის საშუალებით შეძლებს ისარგებლოს რამდენიმე ელექტრონული სისტემით: თბილისის პარკინგი, თბილისის ტაქსი, ონლაინ განცხადებების პორტალი.
თბილისი, 12 აგვისტო — Sputnik. თბილისის მერიის სხვადასხვა ონლაინ აპლიკაციის მომხმარებლები 15 აგვისტოდან ერთ მომხმარებლად გაერთიანდებიან. ამის შესახებ ინფორმაციას თბილისის მერია ავრცელებს.
უწყების ინფორმაციით, მონაცემთა სრულყოფისთვის მოქალაქეებს ერთჯერადად მოუწევთ სისტემაში შესვლისას მათი ინფორმაციის განახლება და, ხშირ შემთხვევაში, დამატება.

„მომხმარებლების გაერთიანების შემდეგ მოქალაქეს ექნება შესაძლებლობა, ერთი მომხმარებლით ისარგებლოს შემდეგი ელექტრონული სისტემებით: თბილისის პარკინგი, თბილისის ტაქსი, ონლაინ განცხადებების პორტალი და ასე შემდეგ", – აღნიშნულია მერიის ინფორმაციაში.

აპლიკაციების გაერთიანების შემდეგ მოქალაქეს ერთი ანგარიშით სარგებლობის შესაძლებლობა ექნება, მაგრამ ჯერჯერობით აღნიშნული რეფორმა არ შეეხება თბილისის მერიის ქონების მართვის სააგენტოსა და არქიტექტურის სამსახურის ელექტრონულ სისტემებს, აღნიშნულია განცხადებაში.
მოქალაქეები აღნიშნული პროცედურის განხორციელებას შეძლებენ მუნიციპალიტეტის ნებისმიერ ელექტრონულ სისტემაში ავტორიზაციისას, სახლიდან გაუსვლელად, პერსონალური კომპიუტერის, ტელეფონის ან სხვა ელექტრონული მოწყობილობის გამოყენებით.
ამასთან, ტექნიკური დახმარების საჭიროების შემთხვევაში მომხმარებლებს შეუძლიათ მიმართონ მუნიციპალიტეტის სერვის-ცენტრებს, ან დარეკონ მუნიციპალური სერვისების განვითარების სააგენტოს ტექნიკურ ცხელ ხაზზე – 1399.
ყველა ახალი ამბავი
0