ქართული ბანკები მომავალი წლიდან შემოსავლების სამსახურს ახალ ანგარიშგებას წარუდგენენ

© photo: Sputnikთბილისის ხედები
თბილისის ხედები - Sputnik საქართველო, 1920, 06.08.2022
გამოწერა
Yandex newsTelegram
შემოსავლების სამსახურს ექნება უფლება, გადასცეს ეს ანგარიშგება კომპეტენტურ უწყებებს უცხოეთში, ასევე აკონტროლოს მისი შესრულება.
თბილისი, 6 აგვისტო – Sputnik. საქართველოს პარლამენტი განიხილავს კანონპროექტს საგადასახადო კოდექსში ცვლილების შეტანის შესახებ, რომელთა მიხედვით ქვეყნის საფინანსო ინსტიტუტები ანგარიშგების ახალ ერთიან სისტემაზე გადავლენ.
ცვლილებების მიხედვით, 2023 წლის 1 იანვრიდან ყველა საფინანსო ინსტიტუტი ვალდებული იქნება შემოსავლების სამსახურს ანგარიშგება ერთიანი სტანდარტით (CRS) წარუდგინოს.
შემოსავლების სამსახურს ექნება უფლება, გადასცეს ეს ანგარიშგება კომპეტენტურ უწყებებს უცხოეთში, ასევე აკონტროლოს მისი შესრულება.
საქართველოს საბანკო სექტორის აქტივები ივნისში გაიზარდა >>
ანგარიშგების ერთიანი სტანდარტის დანერგვა და მონაცემთა გადაცემა აუცილებელი გახდა იმის გამო, რომ მოქმედი კანონმდებლობა არ ავალდებულებდა ბანკებს მიაწოდონ ინფორმაცია თავიანთი კლიენტების ფინანსური მდგომარეობის შესახებ, მიუხედავად იმისა, რომ საქართველომ 2011 წლიდან აიღო ვალდებულება საერთაშორისო სტანდარტების ფარგლებში ინფორმაციის გაცვლაზე, როდესაც საგადასახადო მიზნებისთვის გამჭვირვალობისა და ინფორმაციის გაცვლის გლობალური ფორუმის მონაწილე გახდა.
ამასთან, ფინანსური ინსტიტუტები დაჯარიმდებიან ანგარიშგების შეუსრულებლობისთვის: ანგარიშგების ვადების დარღვევა გამოიწვევს ჯარიმას 5 ათასი ლარის ოდენობით, დამატებითი ინფორმაციის მიწოდების პირობების შეუსრულებლობა - 10 ათასი ლარის და ინფორმაციის არასწორი მიწოდება - 20 ათასი ლარის ოდენობის.
წყარო - საქართველოს პარლამენტი
ყველა ახალი ამბავი
0