გახდება თუ არა ფასიანი სასწრაფო დახმარება საქართველოში

© photo: Sputnik / Stringerსასწრაფო დახმარების მანქანა
სასწრაფო დახმარების მანქანა - Sputnik საქართველო, 1920, 05.08.2022
გამოწერა
სასწრაფო დახმარებასა და სადაზღვევო კომპანიებს შორის გაუგებრობა მოხდა.
თბილისი, 5 აგვისტო – Sputnik. საგანგებო სიტუაციების კოორდინაციისა და გადაუდებელი დახმარების ცენტრის მომსახურება საქართველოს ყველა მოქალაქისთვის და საქართველოში ჩამოსული სტუმრებისთვის არის და იქნება უფასო, განაცხადა ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის მოადგილემ ილია ღუდუშაურმა.
მანამდე მასმედიაში გავრცელდა ინფორმაცია, რომ ქვეყანაში სასწრაფო დახმარების სერვისები შესაძლოა ფასიანი გახდეს. მღელვარების მიზეზი გაუგებრობა გახდა, რომელიც გამოიწვია წერილმა, კერძოდ, გუშინ 18-მა სადაზღვევო კომპანიამ მიიღო შეტყობინება, რომ მათ გადაუდებელი დახმარების ცენტრი დამატებითი ტარიფების დაწესებას სთავაზობდა.

„აღნიშნული ინფორმაცია არ შეესაბამება სიმართლეს. საგანგებო სიტუაციების კოორდინაციისა და გადაუდებელი დახმარების ცენტრის მომსახურება საქართველოს ყველა მოქალაქისთვის და საქართველოში ჩამოსული სტუმრებისთვის არის და იქნება უფასო“, – განაცხადა ჯანდაცვის მინისტრის მოადგილემ.

ილია ღუდუშაურმა განმარტა, რომ კერძო სადაზღვევო კომპანიებს სთავაზობდნენ დამატებით არასტანდარტულ მომსახურებას, ეს იყო მხოლოდ შეთავაზების სახით და ჯერჯერობით არანაირი ახალი ტარიფი არ დაწესებულა.
ყველა ახალი ამბავი
0