ეროვნული ბანკი აუქციონებზე ვალუტის შესყიდვას განაგრძობს

© photo: Sputnik / Vladimir Trefilov / ფოტობანკში გადასვლააშშ დოლარი
აშშ დოლარი - Sputnik საქართველო, 1920, 05.08.2022
გამოწერა
Yandex newsTelegram
ლარის ზრდამ დოლარის მიმართ 2022 წლის მარტიდან 20,3% შეადგინა.
თბილისი, 5 აგვისტო – Sputnik. პარასკევს გამართულ სავალუტო აუქციონზე საქართველოს ეროვნულმა ბანკმა 20 მილიონი აშშ დოლარი იყიდა. ლარის საშუალო შეწონილმა კურსმა დოლარის მიმართ ვაჭრობისას 2,7186 GEL/$1 შეადგინა.
ეროვნული ბანკის მიერ პარასკევს დადგენილი ლარის ოფიციალური კურსი დოლარის მიმართ 2,7178 GEL/$1-ია.
ეროვნულმა ბანკმა 2022 წლის მაისში ვალუტა პირველად იყიდა 2019 წლის ივნისის შემდეგ. დღევანდელი შესყიდვა სამი თვის განმავლობაში მესამე აღმოჩნდა. მანამდე მარეგულირებელი მხოლოდ დოლარს ყიდდა ეროვნული ვალუტის სტაბილიზაციის მიზნით.
კერძოდ, 2021 წელს მარეგულირებელმა ცხრა აუქციონზე 332,9 მილიონი დოლარი გაყიდა, წელს კი ერთადერთ აუქციონზე 39,57 მილიონი დოლარი იყო გაყიდული.
რამდენია წლიური ინფლაცია და როგორია ეროვნული ბანკის რეაქცია?>>
მარტის პირველი რიცხვებისთვის ლარის კურსი 3,4 GEL/$1 ნიშნულამდე დაეცა, მაგრამ შემდეგ ეროვნულმა ვალუტამ გამყარება დაიწყო. ლარის ზრდამ დოლარის მიმართ ამ პერიოდში 20,3% შეადგინა.
დოლარის მიმართ ლარის ოფიციალური გაცვლითი კურსი 2009 წლის მაისიდან Bloomberg-ის სავაჭრო სისტემის ბანკთაშორის ბაზარზე გარიგებების აგრეგირების მეშვეობით განისაზღვრება. 2021 წლის 1 თებერვლიდანქართული სავალუტო ბაზარი მთლიანად Bmatch Bloomberg-ის სისტემაში ვაჭრობაზე გადავიდა.
ყველა ახალი ამბავი
0