„წყალტუბოს ახალი სიცოცხლე“ – პირველი ორი სანატორიუმი პრივატიზებულია

© photo: Sputnikწყალტუბო
წყალტუბო - Sputnik საქართველო, 1920, 04.08.2022
გამოწერა
Yandex newsTelegram
წყალტუბოს უნიკალური ბალნეოლოგიური კურორტის აღდგენისა და განვითარების გენერალური გეგმა „წყალტუბოს ახალი სიცოცხლე“ ითვალისწინებს კერძო კომპანიების ინვესტიციების მოზიდვას მინიმუმ 500 მილიონი ლარის ოდენობით
თბილისი, 4 აგვისტო – Sputnik. წყალტუბოს სანატორიუმების გაყიდვის აუქციონის ფარგლებში 14–დან ორი სანატორიუმი გაიყიდა.
აუქციონების ვებ–გვერდზე განთავსებული ინფორმაციის თანახმად, სანატორიუმი „თბილისი“ გაიყიდა 3,152 მლნ ლარად, ხოლო „მედეა“ – 5,83 მლნ ლარად.
აუქციონის პირობების თანახმად, სანატორიუმ „თბილისის“ მყიდველმა, შპს „აკამ“, რომელიც საქართველოს ორ მოქალაქეს ეკუთვნის, 2023 წლის 1 იანვრამდე სანატორიუმის ადგილზე უნდა მოაწყოს110–ნომრიანი სასტუმრო საკონფერენციო დარბაზებითა და რესტორნებით, უნდა ჩადოს 9,4 მლნ ლარის ინვესტიციები.
სანატორიუმ „მედეას“ ადგილზე, რომელიც კომპანია „ასი გრუპ ჰოტელ ჯორჯიამ“ შეისყიდა და რომლისმფლობელიც ეგვიპტისმოქალაქეა, 2024 წლის 10 ივლისამდე უნდა აშენდეს 120–ნომრიანი სასტურმო საკონფერენციო დარბაზებითა და რესტორნებით. კომპანიამ ასევე ძოგიერთი ძველი ნაგებობის დემონტაჟი უნდა განახორციელოს.
წყალტუბო უნდა იქცეს ბადენ-ბადენად: მთავრობამ კურორტის აღდგენის გეგმა შეიმუშავა>>
საქართველოს მთავრობის მიერ შემუშავებული წყალტუბოს უნიკალური ბალნეოლოგიური კურორტის აღდგენისა და განვითარების გენერალური გეგმა „წყალტუბოს ახალი სიცოცხლე“ ითვალისწინებს კერძო კომპანიების ინვესტიციების მოზიდვას მინიმუმ 500 მილიონი ლარის ოდენობით
კურორტი წყალტუბო ჯერ კიდევ საბჭოთა პერიოდიდან ცნობილია თავისი თერმულ–რადონული მინერალური წყლებით. რადონოთერაპია გამოიყენება საყრდენ–მამოძრავებელი აპარატის, გულ-სისხლძარღვთა, მომნელებელი სისტემის, ცენტრალური და პერიფერიული ნერვული სისტემის, კანის დაავადებების, გინეკოლოგიური დაავადებების, ნივთიერებათა ცვლის დაავადებების სამკურნალოდ.
ყველა ახალი ამბავი
0