ისრაელის ერთ-ერთი ყველაზე დიდი ჰოლდინგი საქართველოს საინვესტიციო გარემოთი დაინტერესდა

© Government of Georgiaირაკლი ღარიბაშვილი მეირ შამირთან შეხვედრაზე
ირაკლი ღარიბაშვილი მეირ შამირთან შეხვედრაზე - Sputnik საქართველო, 1920, 04.08.2022
გამოწერა
Yandex newsTelegram
მხარეებმა ენერგეტიკისა და სოფლის მეურნეობის დარგების მიმართულებით პერსპექტივებზე იმსჯელეს.
თბილისი, 4 აგვისტო – Sputnik. საქართველოს საინვესტიციო პოტენციალი განიხილა საქართველოს პრემიერ-მინისტრმა ირაკლი ღარიბაშვილმა ისრაელის ჰოლდინგ Mivtach Shamir-ის თავმჯდომარესთან მეირ შამირთან შეხვედრაზე, იუწყება მთავრობის პრეს-სამსახური.
მთავრობის ადმინისტრაციაში გამართულ შეხვედრაზე მხარეებმა იმსჯელეს სამომავლო თანამშრომლობის პერსპექტივებზე, მათ შორის, ენერგეტიკისა და სოფლის მეურნეობის დარგების მიმართულებებით.
საუბარი ასევე შეეხო საქართველოს სტრატეგიულად მნიშვნელოვან ადგილმდებარეობას, საერთაშორისო ვიზიტორების მზარდ რაოდენობასა და ქვეყანაში არსებულ შეღავათიან საგადასახადო პირობებს.
Mivtach Shamir-ი ერთ-ერთი ყველაზე დიდი ჰოლდინგია, რომელიც ისრაელის ბაზარზე უძრავი ქონების, ენერგეტიკის, ფინანსების და ტექნოლოგიების სექტორების მიმართულებით 30-წელზე მეტია ოპერირებს. კომპანია ასევე წარმოდგენილია ინდოეთსა და აშშ-ში.
სტატისტიკის მიხედვით, 2020 წელს, კორონავირუსის პანდემიის ფონზე, საქართველოში პირდაპირი უცხოური ინვესტიციების მოცულობა, 2019 წელთან შედარებით, 57,2%-ით შემცირდა და 572 მლნ დოლარი შეადგინა. 2021 წელს ინვესტიციების მოცულობა ორჯერ გაიზარდა და 1,2 მლრდ დოლარს მიაღწია.
2022 წლის პირველ კვარტალში საქართველოში განხორციელებული პირდაპირი უცხოური ინვესტიციების მოცულობა 2021 წლის იანვარი-მარტთან შედარებით 4,3-ჯერ გაიზარდა და 568,2 მლნ აშშ დოლარი შეადგინა.
ყველა ახალი ამბავი
0