https://sputnik-georgia.com/20220802/premieri-ekonomikis-zrdis-dadebiti-dinamika-grzeldeba-269103584.html
პრემიერი: ეკონომიკის ზრდის დადებითი დინამიკა გრძელდება
პრემიერი: ეკონომიკის ზრდის დადებითი დინამიკა გრძელდება
Sputnik საქართველო
ვვარაუდობთ, რომ აღნიშნული ტენდენცია შენარჩუნდება და წელს მაღალი ეკონომიკური ზრდა გვექნება, განაცხადა ირაკლი ღარიბაშვილმა. 02.08.2022-ს, Sputnik საქართველო
2022-08-02T10:29+0400
2022-08-02T10:29+0400
2022-08-02T16:14+0400
საქართველოს ეკონომიკა
ახალი ამბები
საქართველო
საქართველოს პრემიერ–მინისტრი
https://cdnn1.img.sputnik-georgia.com/img/07e5/0b/01/261703982_0:105:1280:826_1920x0_80_0_0_567c1671650e59f937fb1a6283c87ba6.jpg
თბილისი, 2 აგვისტო – Sputnik. საქართველოს მთავრობა ყველაფერს გააკეთებს ქვეყნის ეკონომიკის ზრდის დადებითი დინამიკის შესანარჩუნებლად, განაცხადა საქართველოს პრემიერ-მინისტრმა ირაკლი ღარიბაშვილმა მთავრობის სხდომაზე.სტატისტიკის ეროვნული სამსახურის „საქსტატის“ მონაცემებით, 2022 წლის ივნისში მშპ-ის რეალურმა ზრდამ, გასული წლის ანალოგიურ პერიოდთან შედარებით, 7,2% შეადგინა. გარდა ამისა, რეალური ზრდის საშუალო მაჩვენებელმა მეორე კვარტალში შეადგინა ასევე 7,2%, ხოლო ექვს თვეში – 10,5%.პრემიერის ინფორმაციით, ივნისში დღგ-ის გადამხდელ საწარმოთა ბრუნვა გაიზარდა 20,4%-ით, ხოლო ახლადრეგისტრირებულ საწარმოთა რაოდენობამ 6.641 ერთეული შეადგინა, რაც დაახლოებით 36%-ით მეტია გასული წლის ამავე თვის მონაცემთან შედარებით.გარდა ამისა, ექსპორტი დაახლოებით 28%-ით გაიზარდა და 448 მლნ დოლარი შეადგინა, აღნიშნა პრემიერმა.საქართველოს ეკონომიკა იზრდება – სტატისტიკის ახალი მონაცემები>>„გაჯანსაღების ტენდენციები მაღალია ტურიზმის სექტორშიც. ტურიზმიდან მიღებული შემოსავლების აღდგენის დონე ივნისში იყო 88,7% და ტურიზმიდან მიღებულმა შემოსავლებმა შეადგინა 300 მილიონ დოლარზე მეტი“, – განაცხადა ღარიბაშვილმა.პრემიერის თქმით, ასევე მნიშვნელოვნად გაიზარდა ფულადი გადარიცხვების მოცულობა და მან ივნისში 427 მლნ დოლარი შეადგინა.„შესაბამისად, ჩვენ ვვარაუდობთ, რომ აღნიშნული ტენდენცია შენარჩუნდება და წელს მაღალი ეკონომიკური ზრდა გვექნება“, – განაცხადა ღარიბაშვილმა.ღარიბაშვილმა Fitch–ის ანგარიშზე კომენტარი გააკეთა>>„საქსტატის“ ინფორმაციით, 2022 წლის ივნისში, გასული წლის ანალოგიურ პერიოდთან შედარებით, ზრდა პრაქტიკულად ყველა დარგში დაფიქსირდა: ტრანსპორტსა და დასაწყობებაში, ელექტრომომარაგებაში, გაზმომარაგებაში, აირის, ორთქლის და კონდიცირებული ჰაერის მიწოდებაში, სამთო-მომპოვებელ მრეწველობაში, სასტუმროებსა და რესტორნებში.კლების ტენდენცია დაფიქსირდა დამამუშავებელი მრეწველობის, მშენებლობისა და უძრავ ქონებასთან დაკავშირებული საქმიანობის დარგებში.
საქართველო
Sputnik საქართველო
media@sputniknews.com
+74956456601
MIA „Rosiya Segodnya“
2022
Sputnik საქართველო
media@sputniknews.com
+74956456601
MIA „Rosiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rosiya Segodnya“
Sputnik საქართველო
media@sputniknews.com
+74956456601
MIA „Rosiya Segodnya“
საქართველოს ეკონომიკა, ახალი ამბები, საქართველო, საქართველოს პრემიერ–მინისტრი
საქართველოს ეკონომიკა, ახალი ამბები, საქართველო, საქართველოს პრემიერ–მინისტრი
პრემიერი: ეკონომიკის ზრდის დადებითი დინამიკა გრძელდება
10:29 02.08.2022 (განახლებულია: 16:14 02.08.2022) ვვარაუდობთ, რომ აღნიშნული ტენდენცია შენარჩუნდება და წელს მაღალი ეკონომიკური ზრდა გვექნება, განაცხადა ირაკლი ღარიბაშვილმა.
თბილისი, 2 აგვისტო – Sputnik. საქართველოს მთავრობა ყველაფერს გააკეთებს ქვეყნის ეკონომიკის ზრდის დადებითი დინამიკის შესანარჩუნებლად, განაცხადა საქართველოს პრემიერ-მინისტრმა ირაკლი ღარიბაშვილმა მთავრობის სხდომაზე.
სტატისტიკის ეროვნული სამსახურის „საქსტატის“ მონაცემებით, 2022 წლის ივნისში მშპ-ის რეალურმა ზრდამ, გასული წლის ანალოგიურ პერიოდთან შედარებით, 7,2% შეადგინა. გარდა ამისა, რეალური ზრდის საშუალო მაჩვენებელმა მეორე კვარტალში შეადგინა ასევე 7,2%, ხოლო ექვს თვეში – 10,5%.
„აღნიშნული ზრდა მართლაც ძალიან გამორჩეულია ევროპის მასშტაბით და ჩვენ მაქსიმუმს გავაკეთებთ, რომ ეს დინამიკა შევინარჩუნოთ“, – განაცხადა ღარიბაშვილმა.
პრემიერის ინფორმაციით, ივნისში დღგ-ის გადამხდელ საწარმოთა ბრუნვა გაიზარდა 20,4%-ით, ხოლო ახლადრეგისტრირებულ საწარმოთა რაოდენობამ 6.641 ერთეული შეადგინა, რაც დაახლოებით 36%-ით მეტია გასული წლის ამავე თვის მონაცემთან შედარებით.
გარდა ამისა, ექსპორტი დაახლოებით 28%-ით გაიზარდა და 448 მლნ დოლარი შეადგინა, აღნიშნა პრემიერმა.
„გაჯანსაღების ტენდენციები მაღალია ტურიზმის სექტორშიც. ტურიზმიდან მიღებული შემოსავლების აღდგენის დონე ივნისში იყო 88,7% და ტურიზმიდან მიღებულმა შემოსავლებმა შეადგინა 300 მილიონ დოლარზე მეტი“, – განაცხადა ღარიბაშვილმა.
პრემიერის თქმით, ასევე მნიშვნელოვნად გაიზარდა ფულადი გადარიცხვების მოცულობა და მან ივნისში 427 მლნ დოლარი შეადგინა.
„შესაბამისად, ჩვენ ვვარაუდობთ, რომ აღნიშნული ტენდენცია შენარჩუნდება და წელს მაღალი ეკონომიკური ზრდა გვექნება“, – განაცხადა ღარიბაშვილმა.
„საქსტატის“ ინფორმაციით, 2022 წლის ივნისში, გასული წლის ანალოგიურ პერიოდთან შედარებით, ზრდა პრაქტიკულად ყველა დარგში დაფიქსირდა: ტრანსპორტსა და დასაწყობებაში, ელექტრომომარაგებაში, გაზმომარაგებაში, აირის, ორთქლის და კონდიცირებული ჰაერის მიწოდებაში, სამთო-მომპოვებელ მრეწველობაში, სასტუმროებსა და რესტორნებში.
კლების ტენდენცია დაფიქსირდა დამამუშავებელი მრეწველობის, მშენებლობისა და უძრავ ქონებასთან დაკავშირებული საქმიანობის დარგებში.
