ცხვარიჭამიაში მომხდარი მკვლელობა გახსნილია: დაკავებულია 22 წლის მამაკაცი

© photo: Sputnikდამნაშავის დაკავება
დამნაშავის დაკავება - Sputnik საქართველო, 1920, 29.07.2022
გამოწერა
Yandex newsTelegram
ბრალის დამტკიცების შემთხვევაში დაკავებულ მამაკაცს 15 წლამდე პატიმრობა ემუქრება.
თბილისი, 29 ივლისი – Sputnik. სამართალდამცველებმა ცხვარიჭამიაში მომხდარი მკვლელობის ფაქტზე 22 წლის ახალგაზრდა მამაკაცი დააკავეს. ინფორმაციას შსს ავრცელებს.
როგორც გამოძიებით დადგინდა, ბრალდებულმა მიმდინარე წლის 28 ივლისს ურთიერთშელაპარაკების ნიადაგზე ცივი იარაღით გულ-მკერდის არეში დაჭრა 20 წლის მირიან კუკავა და შემთხვევის ადგილიდან მიიმალა.
დაჭრილი ახალგაზრდა ადგილზე გარდაიცვალა.
ფაქტზე გამოძიება სისხლის სამართლის კოდექსის 108-ე მუხლით მიმდინარეობს, რაც განზრახ მკვლელობას გულისხმობს. დანაშაული 15 წლამდე ვადით თავისუფლების აღკვეთას ითვალისწინებს.
ამავე საქმეზე გვიან ღამით დააკავეს შვიდი ადამიანი. მათ გამოძიება ხულიგნობას, ცრუ ინფორმაციის მიწოდებასა და დანაშაულის შეუტყობინებლობას ედავება. დაკავებულები არიან ის ადამიანები, რომლებიც გუშინ, მკვლელობის დღეს დაბადების დღის წვეულებაზე იყვნენ.
ყველა ახალი ამბავი
0