https://sputnik-georgia.com/20220728/ocneba-guram-mawarasvilma-datova-268960323.html
„ქართული ოცნება“ კიდევ ერთმა დეპუტატმა დატოვა
„ქართული ოცნება“ კიდევ ერთმა დეპუტატმა დატოვა
Sputnik საქართველო
ბოლო პერიოდში მმართველი პარტია „ქართული ოცნება“ პარლამენტის დეპუტატებმა და რაიონული საკრებულოების წევრებმა – სულ ათმა ადამიანმა დატოვა. 28.07.2022-ს, Sputnik საქართველო
2022-07-28T14:02+0400
2022-07-28T14:02+0400
2022-07-28T17:25+0400
პოლიტიკა საქართველოში
ახალი ამბები
საქართველო
საქართველოს პარლამენტი
https://cdnn1.img.sputnik-georgia.com/img/07e4/09/01/249332701_0:16:1000:579_1920x0_80_0_0_a0765143ae751b3f400f9e1ab5623fbd.jpg
თბილისი, 28 ივლისი – Sputnik. საპარლამენტო უმრავლესობის წევრმა გურამ მაჭარაშვილმა მმართველი პარტია „ქართული ოცნება - დემოკრატიული საქართველო" დატოვა და პარტიიდან წასულ სამ დეპუტატს – სუბარს, ხუნდაძესა და ყაველაშვილს შეუერთდა.როგორც მაჭარაშვილმა განაცხადა, ის დამოუკიდებელი დეპუტატის მანდატით განაგრძობს პარლამენტში საქმიანობას. მისი განმარტებით, გუნდს ტოვებს იმისთვის, რომ მეტი ინფორმაცია მიაწოდოს საზოგადოებას მსგავსად სუბარი-ხუნდაძე-ყაველაშვილის გუნდისა.როგორც დეპუტატმა აღნიშნა, მას „ქართულ ოცნებასთან" არ აქვს რაიმე პოლიტიკური შეუთავსებლობა.გურამ მაჭარაშვილი, თავისი კოლეგების მსგავსად, ტოვებს თანამდებობასაც – პარლამენტის საპროცედურო საკითხთა და წესების კომიტეტის თავმჯდომარის პირველი მოადგილის პოსტს.მიხეილ ყაველაშვილმა, სოზარ სუბარმა და დიმიტრი ხუნდაძემ მმართველი პარტია ივნისის ბოლოს დატოვეს. მათ წასვლის მთავარ მიზეზად მიმდინარე მოვლენებზე მოსახლეობისთვის მეტი ინფორმაციის მიწოდების სურვილი დაასახელეს.დღეს ცნობილი გახდა, რომ საქართველოს პარლამენტიდან წასული სამი დეპუტატი ახალი საზოგადოებრივი მოძრაობის შექმნას გეგმავს.„ქართული ოცნებიდან“ წასვლის შემდეგ ხუნდაძემ, ყაველაშვილმა და სუბარმა არაერთი განცხადება გამოაქვეყნეს იმის თაობაზე, რომ არიან „დიდი ძალები“, რომლებსაც საქართველოში რევოლუცია სურთ – ხალხის მიერ არჩეული ხელისუფლების შეცვლა იმ ადამიანებით, რომლებმაც 2004–2012 წლებში ბევრი დანაშაული ჩაიდინეს. ეს ძალები ასევე ცდილობენ საქართველო ომში ჩართონ.მმართველი პარტიიდან „სამეულის" წასვლის შემდეგ მათ მაგალითს სხვადასხვა რეგიონული საკრებულოს ზოგიერთმა დეპუტატმა მიბაძა.„ქართული ოცნება" დატოვეს: ჭიათურის საკრებულოს ფრაქცია „ქართული ოცნების" თავმჯდომარის მოადგილემ ნიკა სამხარაძემ, ლაგოდეხის რაიონის საკრებულოს თავმჯდომარის მოადგილემ გიორგი ღამბაშიძემ. თერჯოლის საკრებულოს თავმჯდომარემ ომარ ჯიხვაშვილმა, ახალციხის საკრებულოს თავმჯდომარის მოადგილემ საბა კბილაშვილმა.„ოცნებიდან" წავიდნენ აგრეთვე ასპინძისა და ადიგენის საკრებულოების ფრაქცია „ქართული ოცნების" თავმჯდომარეები გია ჭელიშვილი და იმედა მღებრიშვილი.
https://sputnik-georgia.com/20220728/deputatebi-mozraobis-seqmnas-gegmaven-268959521.html
საქართველო
Sputnik საქართველო
media@sputniknews.com
+74956456601
MIA „Rosiya Segodnya“
2022
Sputnik საქართველო
media@sputniknews.com
+74956456601
MIA „Rosiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rosiya Segodnya“
Sputnik საქართველო
media@sputniknews.com
+74956456601
MIA „Rosiya Segodnya“
პოლიტიკა საქართველოში, ახალი ამბები, საქართველო, საქართველოს პარლამენტი
პოლიტიკა საქართველოში, ახალი ამბები, საქართველო, საქართველოს პარლამენტი
„ქართული ოცნება“ კიდევ ერთმა დეპუტატმა დატოვა
14:02 28.07.2022 (განახლებულია: 17:25 28.07.2022) ბოლო პერიოდში მმართველი პარტია „ქართული ოცნება“ პარლამენტის დეპუტატებმა და რაიონული საკრებულოების წევრებმა – სულ ათმა ადამიანმა დატოვა.
თბილისი, 28 ივლისი – Sputnik. საპარლამენტო უმრავლესობის წევრმა გურამ მაჭარაშვილმა მმართველი პარტია „ქართული ოცნება - დემოკრატიული საქართველო" დატოვა და პარტიიდან წასულ სამ დეპუტატს – სუბარს, ხუნდაძესა და ყაველაშვილს შეუერთდა.
როგორც მაჭარაშვილმა განაცხადა, ის დამოუკიდებელი დეპუტატის მანდატით განაგრძობს პარლამენტში საქმიანობას. მისი განმარტებით, გუნდს ტოვებს იმისთვის, რომ მეტი ინფორმაცია მიაწოდოს საზოგადოებას მსგავსად სუბარი-ხუნდაძე-ყაველაშვილის გუნდისა.
„ფრაქცია „ქართული ოცნების“ წევრობა შეიძლება იყოს დამაბრკოლებელი ფაქტორი, რომ საჭირო ინფორმაცია მიეწოდოს საზოგადოებას. გუნდის წევრებს რომ უხერხულობა არ შეექმნათ, საჭიროდ მივიჩნიე, დავტოვო ფრაქცია და კოლეგებთან ერთად საჭირო ინფორმაცია მივაწოდოთ საზოგადოებას", – განაცხადა მაჭარაშვილმა.
როგორც დეპუტატმა აღნიშნა, მას „ქართულ ოცნებასთან" არ აქვს რაიმე პოლიტიკური შეუთავსებლობა.
გურამ მაჭარაშვილი, თავისი კოლეგების მსგავსად, ტოვებს თანამდებობასაც – პარლამენტის საპროცედურო საკითხთა და წესების კომიტეტის თავმჯდომარის პირველი მოადგილის პოსტს.
მიხეილ ყაველაშვილმა, სოზარ სუბარმა და დიმიტრი ხუნდაძემ მმართველი პარტია ივნისის ბოლოს დატოვეს. მათ წასვლის მთავარ მიზეზად მიმდინარე მოვლენებზე მოსახლეობისთვის მეტი ინფორმაციის მიწოდების სურვილი დაასახელეს.
დღეს ცნობილი გახდა, რომ საქართველოს პარლამენტიდან წასული სამი დეპუტატი ახალი საზოგადოებრივი მოძრაობის შექმნას გეგმავს.
„ქართული ოცნებიდან“ წასვლის შემდეგ ხუნდაძემ, ყაველაშვილმა და სუბარმა არაერთი განცხადება გამოაქვეყნეს იმის თაობაზე, რომ არიან „დიდი ძალები“, რომლებსაც საქართველოში რევოლუცია სურთ – ხალხის მიერ არჩეული ხელისუფლების შეცვლა იმ ადამიანებით, რომლებმაც 2004–2012 წლებში ბევრი დანაშაული ჩაიდინეს. ეს ძალები ასევე ცდილობენ საქართველო ომში ჩართონ.
მმართველი პარტიიდან „სამეულის" წასვლის შემდეგ მათ მაგალითს სხვადასხვა რეგიონული საკრებულოს ზოგიერთმა დეპუტატმა მიბაძა.
„ქართული ოცნება" დატოვეს: ჭიათურის საკრებულოს ფრაქცია „ქართული ოცნების" თავმჯდომარის მოადგილემ ნიკა სამხარაძემ, ლაგოდეხის რაიონის საკრებულოს თავმჯდომარის მოადგილემ გიორგი ღამბაშიძემ. თერჯოლის საკრებულოს თავმჯდომარემ ომარ ჯიხვაშვილმა, ახალციხის საკრებულოს თავმჯდომარის მოადგილემ საბა კბილაშვილმა.
„ოცნებიდან" წავიდნენ აგრეთვე ასპინძისა და ადიგენის საკრებულოების ფრაქცია „ქართული ოცნების" თავმჯდომარეები გია ჭელიშვილი და იმედა მღებრიშვილი.
