https://sputnik-georgia.com/20220727/batumshi-gia-kanchelze-pils-achveneben-268931399.html
გია ყანჩელის „სევდის ანგელოზები“ - ბათუმში „სიჩუმის მაესტროს“ ცხოვრებაზე ფილმს აჩვენებენ
გია ყანჩელის „სევდის ანგელოზები“ - ბათუმში „სიჩუმის მაესტროს“ ცხოვრებაზე ფილმს აჩვენებენ
Sputnik საქართველო
ფილმის სახელწოდება „სევდის ანგელოზები“, რომელშიც კომპოზიტორის ახლო მეგობრები და ერთგული კოლეგები არიან გადაღებული, ყანჩელის ამავე სახელწოდების ნაწარმოებიდან... 27.07.2022-ს, Sputnik საქართველო
2022-07-27T17:06+0400
2022-07-27T17:06+0400
2022-07-27T22:18+0400
საქართველო
კულტურა საქართველოში
საზოგადოება
აჭარა
ახალი ამბები
https://cdnn1.img.sputnik-georgia.com/img/07e4/08/1a/249288750_0:0:1747:983_1920x0_80_0_0_4eb531d54ed875f02679736dca77ff32.jpg
თბილისი, 27 ივლისი — Sputnik. ბათუმის კინოთეატრ „აპოლოში“ 10 აგვისტოს გაიმართება დოკუმენტური ფილმი „სევდის ანგელოზების“ ჩვენება, რომელიც გამოჩენილი ქართველი კომპოზიტორის გია ყანჩელის ცხოვრებასა და შემოქმედებას ეძღვნება.ფილმის ჩვენებას დაესწრებიან ყანჩელის უმცროსი მეგობრები ნიკოლოზ რაჭველი, გიორგი ცაგარელი, ბექა გოჩიაშვილი და სხვ.ფილმის სახელწოდება „სევდის ანგელოზები“ ყანჩელის ამავე სახელწოდების ნაწარმოებიდან არის აღებული.რეჟისორ თეონა ჯორბენაძის ფილმში, რომლის გადაღებები ერთი წელი გაგრძელდა, შევიდა ფრაგმენტები კომპოზიტორის საიუბილეო საკონცერტო ტურნედან, რომელიც 2015 წელს გაიმართა. ფილმი გადაღებულია ბერლინში, ბრიუსელში, ანტვერპენსა და ბაქოში.„როგორი იყო მაესტროს ცხოვრების გზა, კადრები, რომლებიც არასოდეს გინახავთ, ისტორიები, რომლებიც არასდროს მოგისმენიათ. მაყურებელი ასევე აღმოაჩენს, რომ გია ყანჩელი საკუთარი მუსიკის შესახებ შექმნილი კრიტიკული წერილების უნიკალურ კოლექციასაც ინახავდა, ერთ-ერთ მათგანს ცნობილი მსახიობი ჯონ მალკოვიჩი გაგვაცნობს“, – აცხადებს ფილმის ავტორი. ფილმში მონაწილეობენ ისეთი ცნობილი ხელოვანები, როგორიც არიან რობერტ სტურუა, გოგი ალექსი-მესხიშვილი, რეზო გაბრიაძე, ნინო ანანიაშვილი, გიდონ კრემერი, ელდარ შენგელაია, სანდრო ყანჩელი, ნიკოლოზ რაჭველი, გიორგი ცაგარელი.„სიჩუმის მაესტრო“ გია ყანჩელი 2019 წლის 2 ოქტომბერს გარდაიცვალა. იგი დიდუბის მწერალთა და საზოგადო მოღვაწეთა პანთეონში დაკრძალეს.გია ყანჩელი მრავალი სიმფონიური და კამერული ნაწარმოების ავტორია. დაწერილი აქვს მუსიკა დრამატული სპექტაკლებისთვის, ათეულობით კინოფილმისთვის, მათ შორის ისეთი პოპულარული ფილმებისთვის, როგორებიცაა „მიმინო", „შერეკილები", „არ დაიდარდო", „ქინ-ძა-ძა", „ცისფერი მთები ანუ დაუჯერებელი ამბავი" და სხვ. რობერტ სტურუასთან ერთად მუშაობდა სპექტაკლებზე „ხანუმა", „კავკასიური ცარცის წრე", „ჰამლეტი" და სხვ.
საქართველო
აჭარა
Sputnik საქართველო
media@sputniknews.com
+74956456601
MIA „Rosiya Segodnya“
2022
Sputnik საქართველო
media@sputniknews.com
+74956456601
MIA „Rosiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rosiya Segodnya“
Sputnik საქართველო
media@sputniknews.com
+74956456601
MIA „Rosiya Segodnya“
საქართველო, კულტურა საქართველოში, საზოგადოება, აჭარა , ახალი ამბები
საქართველო, კულტურა საქართველოში, საზოგადოება, აჭარა , ახალი ამბები
გია ყანჩელის „სევდის ანგელოზები“ - ბათუმში „სიჩუმის მაესტროს“ ცხოვრებაზე ფილმს აჩვენებენ
17:06 27.07.2022 (განახლებულია: 22:18 27.07.2022) ფილმის სახელწოდება „სევდის ანგელოზები“, რომელშიც კომპოზიტორის ახლო მეგობრები და ერთგული კოლეგები არიან გადაღებული, ყანჩელის ამავე სახელწოდების ნაწარმოებიდან არის აღებული.
თბილისი, 27 ივლისი — Sputnik. ბათუმის კინოთეატრ „აპოლოში“ 10 აგვისტოს გაიმართება დოკუმენტური ფილმი „სევდის ანგელოზების“ ჩვენება, რომელიც გამოჩენილი ქართველი კომპოზიტორის გია ყანჩელის ცხოვრებასა და შემოქმედებას ეძღვნება.
ფილმის ჩვენებას დაესწრებიან ყანჩელის უმცროსი მეგობრები ნიკოლოზ რაჭველი, გიორგი ცაგარელი, ბექა გოჩიაშვილი და სხვ.
ფილმის სახელწოდება „სევდის ანგელოზები“ ყანჩელის ამავე სახელწოდების ნაწარმოებიდან არის აღებული.
რეჟისორ თეონა ჯორბენაძის ფილმში, რომლის გადაღებები ერთი წელი გაგრძელდა, შევიდა ფრაგმენტები კომპოზიტორის საიუბილეო საკონცერტო ტურნედან, რომელიც 2015 წელს გაიმართა. ფილმი გადაღებულია ბერლინში, ბრიუსელში, ანტვერპენსა და ბაქოში.
„როგორი იყო მაესტროს ცხოვრების გზა, კადრები, რომლებიც არასოდეს გინახავთ, ისტორიები, რომლებიც არასდროს მოგისმენიათ. მაყურებელი ასევე აღმოაჩენს, რომ გია ყანჩელი საკუთარი მუსიკის შესახებ შექმნილი კრიტიკული წერილების უნიკალურ კოლექციასაც ინახავდა, ერთ-ერთ მათგანს ცნობილი მსახიობი ჯონ მალკოვიჩი გაგვაცნობს“, – აცხადებს ფილმის ავტორი.
ფილმში მონაწილეობენ ისეთი ცნობილი ხელოვანები, როგორიც არიან რობერტ სტურუა, გოგი ალექსი-მესხიშვილი, რეზო გაბრიაძე, ნინო ანანიაშვილი, გიდონ კრემერი, ელდარ შენგელაია, სანდრო ყანჩელი, ნიკოლოზ რაჭველი, გიორგი ცაგარელი.
„სიჩუმის მაესტრო“ გია ყანჩელი 2019 წლის 2 ოქტომბერს გარდაიცვალა. იგი დიდუბის მწერალთა და საზოგადო მოღვაწეთა პანთეონში დაკრძალეს.
გია ყანჩელი მრავალი სიმფონიური და კამერული ნაწარმოების ავტორია. დაწერილი აქვს მუსიკა დრამატული სპექტაკლებისთვის, ათეულობით კინოფილმისთვის, მათ შორის ისეთი პოპულარული ფილმებისთვის, როგორებიცაა „მიმინო", „შერეკილები", „არ დაიდარდო", „ქინ-ძა-ძა", „ცისფერი მთები ანუ დაუჯერებელი ამბავი" და სხვ. რობერტ სტურუასთან ერთად მუშაობდა სპექტაკლებზე „ხანუმა", „კავკასიური ცარცის წრე", „ჰამლეტი" და სხვ.
