https://sputnik-georgia.com/20220725/pensioner-qas-patimroba-miusajes-268861967.html
გორის რაიონში მომხდარი მკვლელობის საქმეში ბრალდებულ პენსიონერ ქალს პატიმრობა მიუსაჯეს
გორის რაიონში მომხდარი მკვლელობის საქმეში ბრალდებულ პენსიონერ ქალს პატიმრობა მიუსაჯეს
Sputnik საქართველო
ბრალდებული ბრალს არ აღიარებს და დუმილის უფლებას იყენებს. 25.07.2022-ს, Sputnik საქართველო
2022-07-25T21:08+0400
2022-07-25T21:08+0400
2022-07-25T21:37+0400
შემთხვევები საქართველოში
ახალი ამბები
ქართლი
საქართველო
https://cdnn1.img.sputnik-georgia.com/img/24469/89/244698968_0:159:3076:1889_1920x0_80_0_0_a2d646b7aea51ece61c2b3672f1e11f2.jpg
თბილისი, 25 ივლისი – Sputnik. გორის რაიონულმა სასამართლომ გორის რაიონის სოფელ კარბის მცხოვრებს, რომელიც თანასოფლელის მკვლელობაშია ბრალდებული, აღკვეთის ღონისძიების სახით პატიმრობა შეუფარდა.შემთხვევა გორის მუნიციპალიტეტის სოფელ კარბში რამდენიმე დღის წინ მოხდა. გავრცელებული ინფორმაციით, მომხდარს წინ მეზობლებს შორის ყოფით ნიადაგზე დაწყებული კამათი უძღოდა.კონფლიქტი სარწყავ არხს უკავშირდებოდა. 68 წლის ქალმა 30 წლამდე მამაკაცს ბლაგვი საგნით თავის არეში მძიმე დაზიანებები მიაყენა. დაშავებული საავადმყოფოში გადაიყვანეს, თუმცა მისი გადარჩენა ვერ მოხერხდა.მოსამართლე გოგა კუპრეიშვილი სრულად დაეთანხმა პროკურატურის შუამდგომლობას და ქალი პატიმრობაში დატოვა. დაცვის მხარე თავის მხრივ ბრალდებულის 2.000 ლარიანი გირაოს სანაცვლოდ გათავისუფლებას ითხოვდა.მკვლელობა წყლის გამო: გორში 70 წლამდე ქალმა მეზობელი მოკლა>>ქალს ბრალად ედება „სხეულის განზრახ მძიმე დაზიანების მიყენება, რამაც გამოიწვია სიკვდილი“. მას ოთხიდან შვიდ წლამდე პატიმრობა ემუქრება.დაკავებული წაყენებულ ბრალს არ აღიარებს და დუმილის უფლებას იყენებს.თავის მხრივ, გარდაცვლილის ოჯახი ბრალდებულის მიმართ უმკაცრესი ზომების მიღებას და დანაშაულში მყოფი სხვა პირების გამოვლენასაც ითხოვს.გარდაცვლილის ოჯახის ინფორმაციით, ბრალდებულის ვაჟმა სოფელი დატოვა და მიმალვაში იმყოფება.
ქართლი
საქართველო
Sputnik საქართველო
media@sputniknews.com
+74956456601
MIA „Rossiya Segodnya“
2022
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
შემთხვევები საქართველოში, ახალი ამბები, ქართლი , საქართველო
შემთხვევები საქართველოში, ახალი ამბები, ქართლი , საქართველო
გორის რაიონში მომხდარი მკვლელობის საქმეში ბრალდებულ პენსიონერ ქალს პატიმრობა მიუსაჯეს
21:08 25.07.2022 (განახლებულია: 21:37 25.07.2022) ბრალდებული ბრალს არ აღიარებს და დუმილის უფლებას იყენებს.
თბილისი, 25 ივლისი – Sputnik. გორის რაიონულმა სასამართლომ გორის რაიონის სოფელ კარბის მცხოვრებს, რომელიც თანასოფლელის მკვლელობაშია ბრალდებული, აღკვეთის ღონისძიების სახით პატიმრობა შეუფარდა.
შემთხვევა გორის მუნიციპალიტეტის სოფელ კარბში რამდენიმე დღის წინ მოხდა. გავრცელებული ინფორმაციით, მომხდარს წინ მეზობლებს შორის ყოფით ნიადაგზე დაწყებული კამათი უძღოდა.
კონფლიქტი სარწყავ არხს უკავშირდებოდა. 68 წლის ქალმა 30 წლამდე მამაკაცს ბლაგვი საგნით თავის არეში მძიმე დაზიანებები მიაყენა. დაშავებული საავადმყოფოში გადაიყვანეს, თუმცა მისი გადარჩენა ვერ მოხერხდა.
მოსამართლე გოგა კუპრეიშვილი სრულად დაეთანხმა პროკურატურის შუამდგომლობას და ქალი პატიმრობაში დატოვა. დაცვის მხარე თავის მხრივ ბრალდებულის 2.000 ლარიანი გირაოს სანაცვლოდ გათავისუფლებას ითხოვდა.
ქალს ბრალად ედება „სხეულის განზრახ მძიმე დაზიანების მიყენება, რამაც გამოიწვია სიკვდილი“. მას ოთხიდან შვიდ წლამდე პატიმრობა ემუქრება.
დაკავებული წაყენებულ ბრალს არ აღიარებს და დუმილის უფლებას იყენებს.
თავის მხრივ, გარდაცვლილის ოჯახი ბრალდებულის მიმართ უმკაცრესი ზომების მიღებას და დანაშაულში მყოფი სხვა პირების გამოვლენასაც ითხოვს.
„სანამ ჩემს შვილს სასიკვდილო ჭრილობა მიაყენეს, მანამდე ხუთმა კაცმა სცემა, ხელი არ გაუშვეს, ამ ქალის შვილმა დაიწყო ჩხუბი, ის იყო პირველი, ვინც ჩემს შვილს სცემა, სად არის? რატომ მიმალეს, მანაც უნდა აგოს პასუხი“, – ამბობს გარდაცვლილის მამა ბიჭიკო გვიმრაძე.
გარდაცვლილის ოჯახის ინფორმაციით, ბრალდებულის ვაჟმა სოფელი დატოვა და მიმალვაში იმყოფება.
