მსოფლიო ხელისგულზე - Sputnik საქართველო, 1920
მსოფლიო დღეს
მსოფლიოში მიმდინარე უახლესი ახალი ამბები, მსოფლიოს წინაშე მდგარი გამოწვევები, აქტუალური თემები, მიმოხილვა და ანალიზი იხილეთ Sputnik საქართველოს ვებგვერდზე.

ოლაფ შოლცის მეზობლებმა კანცლერის ნაგავში საიდუმლო დოკუმენტი იპოვეს

© photo: Sputnik / Alexey Vitvitskiy / ფოტობანკში გადასვლაოლაფ შოლცი
ოლაფ შოლცი - Sputnik საქართველო, 1920, 22.07.2022
გამოწერა
Yandex newsTelegram
თბილისი, 22 ივლისი — Sputnik. გერმანიის კანცლერ ოლაფ შოლცსა და მის მეუღლეს აშკარად მშვიდი დამოკიდებულება აქვთ კონფიდენციალური დოკუმენტების მიმართ, წერს გამოცემა Der Spiegel.
ჟურნალისტების ინფორმაციით, კანცლერის პოტსდამელი მეზობლები შოლცისა და ბრიტი ერნსტის საოჯახო ნარჩენებში ხშირად პოულობენ საინტერესო ქაღალდებს. მაგალითად, ერთ-ერთი ბოლო ნაპოვნი — ეს იყო ერთგვარი სამახსოვრო ბარათი, რომელიც „დიდი შვიდეულის“ ლიდერებისა და მათი მეუღლეების შესახებ მოკლე დახასიათებას შეიცავდა.
ბარათში ჩამოთვლილი იყო მათი დაბადების დღეები, ასევე საქმიანობის სფერო. იტალიის ყოფილი პრემიერის მარიო დრაგის (რომელმაც G7-ის ბოლო სამიტში მიიღო მონაწილეობა) მეუღლის ფოტოს ქვეშ მითითებული იყო, რომ „ის საზოგადოებას გაურბის“.
მიუხედავად იმისა, რომ აღნიშნული ინფორმაციის მოძიება ინტერნეტითაც შეიძლება, ვინაიდან დახურული არ არის, „შპიგელის“ ცნობით, დოკუმენტი გერმანიის საგარეო საქმეთა სამინისტროში იყო შედგენილი და ეწერა: „საიდუმლო ინფორმაცია — მხოლოდ სამსახურებრივი გამოყენებისთვის“. ასეთი დოკუმენტის გადაგდებისას კი მფლობელი უნდა დარწმუნდეს, რომ მისი წაკითხვა შეუძლებელია.
წყარო: Der Spiegel
ყველა ახალი ამბავი
0