თურქეთმა საქართველოს თავდაცვის სამინისტროს 400 ათასი დოლარის ღირებულების ტექნიკა გადასცა
20:12 20.07.2022 (განახლებულია: 21:57 20.07.2022)
© Ministry of Defence of Georgia თურქეთმა საქართველოს თავდაცვის სამინისტროს 400 ათასი დოლარის ღირებულების ტექნიკა გადასცა
![თურქეთმა საქართველოს თავდაცვის სამინისტროს 400 ათასი დოლარის ღირებულების ტექნიკა გადასცა თურქეთმა საქართველოს თავდაცვის სამინისტროს 400 ათასი დოლარის ღირებულების ტექნიკა გადასცა - Sputnik საქართველო, 1920, 20.07.2022](https://cdnn1.img.sputnik-georgia.com/img/07e6/07/14/268718213_0:67:1280:787_1920x0_80_0_0_c462dabe3567a094249211f045fc7083.jpg)
© Ministry of Defence of Georgia
გამოწერა
მატერიალურ-ტექნიკური უზრუნველყოფის გადაცემა სამხედრო-ფინანსური თანამშრომლობის შეთანხმების ფარგლებში განხორციელდა.
თბილისი, 20 ივლისი — Sputnik. თურქეთმა საქართველოს თავდაცვის ძალებს ლოჯისტიკური შესაძლებლობების გაუმჯობესების მიზნით გადასცა თურქული კომპანია HIDROMEK-ის 8 ერთეული მინი ექსკავატორი-მტვირთავი ტრაქტორი, რომელთა საერთო ღირებულება 405 ათას დოლარს აღემატება. ინფორმაციას საქართველოს თავდაცვის სამინისტრო ავრცელებს.
„თურქეთი არის საქართველოს სახელმწიფოს და საქართველოს თავდაცვის ძალების განსაკუთრებული პარტნიორი როგორც ნატო-საქართველოს არსებითი პაკეტის დახმარებაში, ასევე სხვადასხვა შესაძლებლობების განვითარებაში“, – განაცხადა საქართველოს თავდაცვის მინისტრმა ჯუანშერ ბურჭულაძემ.
ტექნიკის გადაცემის ცერემონია თავდაცვის სამინისტროს ტერიტორიაზე გაიმართა. ღონისძიებას საქართველოს თავდაცვის მინისტრი ჯუანშერ ბურჭულაძე და თურქეთის რესპუბლიკის საგანგებო და სრულუფლებიანი ელჩი საქართველოში ალი ქაან ორბაი დაესწრნენ. მათ ახალი ლოჯისტიკური ობიექტები ადგილზე დაათვალიერეს და ტექნიკის შესაძლებლობებს გაეცნენ.
© Courtesy of Ministry of Defence of Georgia თურქეთმა საქართველოს თავდაცვის სამინისტროს 400 ათასი დოლარის ღირებულების ტექნიკა გადასცა
![Турция передала Минобороны Грузии технику на 400 тысяч долларов Турция передала Минобороны Грузии технику на 400 тысяч долларов - Sputnik საქართველო, 1920, 20.07.2022](https://cdnn1.img.sputnik-georgia.com/img/07e6/07/14/268718191_0:0:1280:716_1920x0_80_0_0_239c1950e23efc7f0442b320d24e1d8c.jpg)
თურქეთმა საქართველოს თავდაცვის სამინისტროს 400 ათასი დოლარის ღირებულების ტექნიკა გადასცა
© Courtesy of Ministry of Defence of Georgia
ლოჯისტიკური ტექნიკის გადაცემა 2019 წელს თურქეთის რესპუბლიკასთან ხელმოწერილი სამხედრო-ფინანსური თანამშრომლობის შეთანხმების ფარგლებში განხორციელდა.
საქართველოს მთავრობასა და თურქეთის რესპუბლიკის მთავრობას შორის 2019 წელს ხელმოწერილი სამხედრო-ფინანსური თანამშრომლობის შეთანხმება საქართველოს თავდაცვის სამინისტროს მიზნებისთვის ხუთწლიან პერიოდში 100 მლნ თურქული ლირის ოდენობის გრანტის გამოყოფას ითვალისწინებს.