თბილისსა და ტაშკენტს შორის თანამშრომლობის მემორანდუმი გაფორმდა

CC BY 2.0 / Fabio Achilli / Tashkent, Uzbekistanტაშკენტი
ტაშკენტი - Sputnik საქართველო, 1920, 19.07.2022
გამოწერა
Yandex newsTelegram
მხარეებმა საქართველოსა და უზბეკეთის ურთიერთობები განიხილეს და დედაქალაქებს შორის თანამშრომლობის პერსპექტივებზე იმსჯელეს.
თბილისი, 19 ივლისი – Sputnik. თბილისის მერმა კახა კალაძემ და ტაშკენტის მერმა ჯახონგირ არტიკხოჯაევმა დედაქალაქებს შორის თანამშრომლობის მემორანდუმს მოაწერეს ხელი, ნათქვამია თბილისის მერიის განცხადებაში.
მერებს შორის შეხვედრა ტაშკენტში საქართველოს პრემიერ-მინისტრის ოფიციალური ვიზიტის ფარგლებში გაიმართა. საქართველოს მთავრობის მეთაური ირაკლი ღარიბაშვილი დელეგაციასთან ერთად უზბეკეთში იმყოფება.
შეხვედრაზე მერებმა საქართველო–უზბეკეთის ურთიერთობები განიხილეს და დედაქალაქებს შორის თანამშრომლობის პერსპექტივებზე იმსჯელეს.
„ხაზი გაესვა ორი ქვეყნის პოლიტიკური და ეკონომიკური ურთიერთობების გააქტიურებას, რის დასტურიცაა საქართველოს პრემიერ-მინისტრისა და ოფიციალური დელეგაციის ვიზიტი უზბეკეთში. გამოითქვა იმედი, რომ მსგავსი მაღალი დონის ვიზიტები ხელს შეუწყობს ურთიერთობების კიდევ უფრო გაღრმავებას“, – აღნიშნულია თბილისის მერიის მიერ გავრცელებულ ინფორმაციაში.
ღარიბაშვილის პირველი ვიზიტი უზბეკეთში: რაზე შეთანხმდნენ ორი ქვეყნის პრემიერები>>
კახა კალაძემ აღნიშნა, რომ თბილისი დიდ მნიშვნელობას ანიჭებს ტაშკენტთან თანამშრომლობას, განსაკუთრებით, ტურიზმის სფეროში. მან ასევე ხაზი გაუსვა იმ ფაქტს, რომ ტაშკენტის ერთ-ერთი ცენტრალური ქუჩა შოთა რუსთაველის სახელს ატარებს, სადაც შოთა რუსთაველის ძეგლია დადგმული.

„ვიზიტის ფარგლებში ასევე გვქონდა შესაძლებლობა, გაგვეხსნა შოთა რუსთაველის რეაბილიტირებული ძეგლი და მიმდებარე ტერიტორია, რომელიც ძალიან ლამაზია. აღნიშნული მემორანდუმის ფარგლებში გვექნება შესაძლებლობა, სხვადასხვა მიმართულებით ვითანამშრომლოთ, რაც ძალიან დიდი შესაძლებლობაა, თბილისსა და ტაშკენტს შორის ურთიერთობები კიდევ უფრო გავაღრმავოთ“, – განაცხადა კალაძემ.

თბილისსა და ტაშკენტს შორის გაფორმებული თანამშრომლობის მემორანდუმი ითვალისწინებს აქტიურ თანამშრომლობას სხვადასხვა – ეკონომიკის, ვაჭრობის, განათლების, მეცნიერების, ტრანსპორტის, გარემოს დაცვის, კულტურის, სპორტის, ტურიზმის სფეროებში.
ყველა ახალი ამბავი
0