დათვი ეგონა და ესროლა - ქობულეთში მამაკაცმა თანასოფლელი მოკლა

© Pixabay / ulfake76სანადირო იარაღი
სანადირო იარაღი - Sputnik საქართველო, 1920, 17.07.2022
გამოწერა
Yandex newsTelegram
მამაკაცი განზრახ მკვლელობისა და ცეცხლსასროლი იარაღის უკანონო შეძენა-შენახვა-ტარების ბრალდებით დააკავეს.
თბილისი, 17 ივლისი – Sputnik. შემზარავი შემთხვევა მოხდა ქობულეთის მუნიციპალიტეტში - თანასოფლელის მკვლელობისთვის 46 წლის მამაკაცი დააკავეს, ნათქვამია შინაგან საქმეთა სამინისტროს მიერ გავრცელებულ ინფორმაციაში.
გამოძიების ინფორმაციით, დაკავებულმა ქობულეთის მუნიციპალიტეტში სანადირო თოფიდან გასროლით 36 წლის მამაკაცი სასიკვდილოდ დაჭრა.
პოლიციამ ის მომხდარიდან რამდენიმე საათში, ცხელ კვალზე დააკავა. სამართალდამცველებმა დანაშაულის ჩადენის იარაღი - სანადირო თოფი ნივთმტკიცების სახით ამოიღეს.
დღესვე მედიაში გავრცელდა ინფორმაცია, რომ ბრალდებული პოლიციას თავადვე ჩაბარდა, ის ირწმუნებოდა, რომ თანასოფლელი, რომელიც გვიან ღამით სოფლის გზაზე შემოხვდა, სიბნელეში დათვი ეგონა, რადგან მას სახეზე სპეციალური ნიღაბი ეკეთა და ხმაც არ გასცა. ეჭვმიტანილმა ესროლა გამვლელს, რომელიც ადგილზე გარდაიცვალა.
საქმეზე გამოძიება განზრახ მკვლელობისა და ცეცხლსასროლი იარაღის უკანონო შეძენა-შენახვა-ტარების ფაქტებზე საქართველოს სსკ-ის 108-ე და 236-ე მუხლებით მიმდინარეობს.
ბრალის დამტკიცების შემთხვევაში დაკავებულს 15 წლამდე ვადით თავისუფლების აღკვეთა ემუქრება.
წყარო - შსს-ს პრესსამსახური
ყველა ახალი ამბავი
0