მსოფლიო ხელისგულზე - Sputnik საქართველო, 1920
მსოფლიო დღეს
მსოფლიოში მიმდინარე უახლესი ახალი ამბები, მსოფლიოს წინაშე მდგარი გამოწვევები, აქტუალური თემები, მიმოხილვა და ანალიზი იხილეთ Sputnik საქართველოს ვებგვერდზე.

ევროკავშირმა ზოგ რუს ოლიგარქს შესაძლოა სანქციები მოუხსნას: დასახელდა მიზეზი

© photo: Sputnik / Vladimir Astapkovich
  - Sputnik საქართველო, 1920, 15.07.2022
გამოწერა
Yandex newsTelegram
თბილისი, 15 ივლისი — Sputnik. ევროკავშირი რუსეთის ზოგი მოქალაქისთვის სანქციების გაუქმების საკითხს განიხილავს, იუწყება ამერიკული სააგენტო Bloomberg-ი წყაროებზე დაყრდნობით.
გავრცელებული ინფორმაციით, ევროკავშირის იურისტებმა დაადგინეს, რომ შეზღუდვების გამოყენების საფუძველი ზოგ შემთხვევაში შესაძლოა სუსტი იყოს.
სააგენტოს ცნობით, რუსეთის ოცდაათამდე მოქალაქემ ევროკავშირის წინააღმდეგ სარჩელი შეიტანა სანქციების სიიდან ამოღების მოთხოვნით, ხოლო კიდევ ათმა პირდაპირ ევროკავშირს მიმართა ამავე მიზნით.
ევროკავშირის იურიდიულმა სამსახურმა ევროკავშირის ელჩებს უკვე აცნობა, რომ სანქცირებული პირების ზოგიერთი მოთხოვნა გამართლებულია, რადგან წარმოდგენილი ინფორმაციიდან ჩანს, რომ სანქცირების საფუძველი „იყო ან სუსტი, ან მოძველებული, ან არასწორი“.
როგორც Bloomberg-ი წერს, სანქციების მოხსნას ითხოვენ: რომან აბრამოვიჩი, მიხაილ ფრიდმანი, ალექსეი მორდაშოვი, ალიშერ უსმანოვი, ანდრეი მელნიჩენკო, პიოტრ ავენი და სხვები.
გავრცელებული ინფორმაციით, სანქციების გადახედვის შემთხვევაში რესტრიქციები მხოლოდ მცირე რაოდენობის პირებს მოეხსნებათ.

„ნებისმიერი სანქციების სამართლებრივი საფუძველი უნდა იყოს მტკიცე, ვინაიდან სასამართლო საქმის წაგება ევროკავშირისთვის რეპუტაციულ და ეკონომიკურ რისკებს უკავშირდება. ცალკეული პირებისთვის სანქციების გაუქმება წევრი ქვეყნების მხარდაჭერას მოითხოვს“, — წერს გამოცემა.

ევროკავშირის იურისტების მიერ აღმოჩენილი შეცდომების რაოდენობა ან ამასთან დაკავშირებული პირების ვინაობა არ დასახელებულა.
წყარო: Bloomberg
ყველა ახალი ამბავი
0