„არსად ვმუშაობ... გაკვირვებით მეკითხებიან, შენ არ დაგასაქმესო?!“ - ზაზა ხუციშვილი
„გვაქვს ძალიან კარგი ეზო. 100-მდე ვარდის სახეობა, რომელიც მთლიანად ჩემი მეუღლის დამსახურებაა. ეს არის საოცარი არტთერაპია, ულამაზესი ფერები, სურნელი. მთელი დღე ეზოში ფუსფუსებს, მეც იქვე ვარ. როცა დრო მაქვს, ვეხმარები. დიდი მოვლა და ყურადღება სჭირდება“, – ამბობს მუსიკოსი.
„გავაცანი მათ ჩემი მოსაზრებები და, რადგან ვერ შევჯერდით, წამოვედი უმრავლესობიდან. დარჩენილი ერთი წელი დამოუკიდებელი დეპუტატის სტატუსით დავყავი. ყოველთვის ვპოზიციონირებდი სამართლიანი კრიტიკით და არა ჭიქაში ატეხილი ბინძური ქარიშხლით. ამჟამად არსად ვმუშაობ, არც სახელმწიფო დაწესებულებაში, არც კერძო კომპანიაში. ზოგჯერ გაკვირვებით მეკითხებიან, კი, მაგრამ, შენ არ დაგასაქმესო?! მეცინება. არა, არ დამასაქმეს და არაფერი ტრაგედია არ არის ამაში, არც თავად მითხოვია. მე მაქვს ჩემი პროფესია, ვარ მოქმედი მუსიკოსი და ვაკეთებ იმ საქმეს, რაც მიყვარს“, – ამბობს ზაზა ხუციშვილი.