ბათუმის მეჩეთში ყურბან-ბაირამი აღნიშნეს

© Sputnik / STRINGERმეჩეთი ბათუმში
მეჩეთი ბათუმში - Sputnik საქართველო, 1920, 09.07.2022
გამოწერა
სადღესასწაულო ლოცვა საქართველოს მუფთმა ადამ შანთაძემ აღავლინა.
თბილისი, 9 ივლისი - Sputnik. ქართველმა მუსლიმებმაც მუსლიმური სამყაროს უდიდესი დღესასწაული ყურბან-ბაირამი აღნიშნეს.
ბათუმის ცენტრალურ მეჩეთში მორწმუნეები მზის ამოსვლამდე შეიკრიბნენ. სადღესასწაულო ლოცვა საქართველოს მუფთმა ადამ შანთაძემ აღავლინა. მეჩეთმა მრევლი ვერ დაიტია და მორწმუნეების დიდმა ნაწილმა ლოცვა ქუჩაში შეასრულა.
ყურბან-ბაირამის აღნიშვნა ჯერ კიდევ წინასწარმეტყველ მუჰამედის დროს დაიწყეს. ყურბან–ბაირამი მარხვის თვის რამაზან ბაირამიდან 70-ე დღეს აღინიშნება და სათავეს წინასწარმეტყველ იბრაჰიმის (იგივე აბრაამი) მიერ მსხვერპლშეწირვის ისტორიიდან იღებს, რაც სამივე მონოთეისტური რელიგიის — ისლამის, ქრისტიანობისა და იუდაიზმის წმიდა წერილებშია აღწერილი. უფალმა წინასწარმეტყველს, მისი რწმენის გამოსაცდელად, შვილის მსხვერპლად შეწირვა უბრძანა. როდესაც უზენაესი მის სიმტკიცეში დარწმუნდა, ბიჭის გათავისუფლება და მის მაგივრად ცხვრის დაკვლის ნება დართო.
ისლამური ტრადიციის თანახმად, დღესასწაულის აღსანიშნავად თითოეულმა მუსლიმმა მსხვერპლად ცხვარი, ძროხა ან სხვა პირუტყვი უნდა შესწიროს. ამავე დღეს ტარდება „ჰაჯობის რიტუალი", ანუ მოლოცვა მექაში, სადაც უამრავი მუსლიმი იკრიბება მსოფლიოს სხვადასხვა კუთხიდან. ეს რიტუალი ყველა მუსლიმმა უნდა ჩაატაროს ცხოვრებაში ერთხელ მაინც.
ამ დღეს მუსლიმებმა უნდა გამოავლინონ გულმოწყალება, სიკეთე, დაეხმარონ გაჭირვებულებს.
მუსლიმები ყურბან-ბაირამს სამი დღის განმავლობაში აღნიშნავენ.
ყველა ახალი ამბავი
0