https://sputnik-georgia.com/20220706/sveicaria-rusuli-aqtivebi-268231955.html
შვეიცარიის პრეზიდენტი რუსული აქტივების უკრაინისთვის გადაცემის წინააღმდეგია
შვეიცარიის პრეზიდენტი რუსული აქტივების უკრაინისთვის გადაცემის წინააღმდეგია
Sputnik საქართველო
თბილისი, 6 ივლისი − Sputnik. ჩამორთმეული რუსული აქტივების უკრაინის აღსადგენად გამოყენების საკითხს სერიოზულად უნდა მივუდგეთ, ასეთი ქმედებები მოითხოვს... 06.07.2022-ს, Sputnik საქართველო
2022-07-06T10:10+0400
2022-07-06T10:10+0400
2023-07-20T15:45+0400
მსოფლიო დღეს
პოლიტიკა
რუსეთ-უკრაინის კონფლიქტი
სანქციები რუსეთის წინააღმდეგ
შვეიცარია
ეკონომიკა
მსოფლიოს ახალი ამბები
https://cdnn1.img.sputnik-georgia.com/img/07e6/07/06/268231758_0:234:3072:1962_1920x0_80_0_0_19007e4be91e256b470453d36f7656cc.jpg
თბილისი, 6 ივლისი − Sputnik. ჩამორთმეული რუსული აქტივების უკრაინის აღსადგენად გამოყენების საკითხს სერიოზულად უნდა მივუდგეთ, ასეთი ქმედებები მოითხოვს სამართლებრივ საფუძველს, განაცხადა შვეიცარიის პრეზიდენტმა იგნაციო კასისმა ლუგანოში გამართულ კონფერენციაზე.კასისმა აღნიშნა, რომ ზოგ შემთხვევაში ფუნდამენტური უფლებების დარღვევა შესაძლებელია − როგორც ამას ბევრი ქვეყნის ხელისუფლება აკეთებდა კოროვირუსული პანდემიის დროს, „მაგრამ ამისთვის საჭიროა სამართლებრივი საფუძველი“. ახლა კი, მისი აზრით, ევროპაში აქტივების მხოლოდ გაყინვაა შესაძლებელი, რათა მათი წარმომავლობა გაირკვეს და ასევე დადგინდეს, უკავშირდება თუ არა ისინი უკრაინაში რუსეთის „სპეცოპერაციას“.შვეიცარიის პრეზიდენტმა აქვე დაამატა, რომ გადაწყვეტილება რუსული აქტივების კიევის სასარგებლოდ გამოყენების შესახებ „იდეალური იქნებოდა უკრაინაში არსებული სიტუაციისთვის“. მაგრამ ეს პრეცედენტს შექმნის „ბევრი სხვა სიტუაციისთვის“.კიევმა ლუგანოში, სადაც 4-5 ივლისს უკრაინასთან დაკავშირებით კონფერენცია იმართებოდა, 750 მლრდ დოლარზე გათვლილი აღდგენის გეგმა წარმოადგინა. უკრაინის პრემიერ- მინისტრ დენის შმიგალის თქმით, გაყინული რუსული აქტივები უკრაინის აღდგენას უნდა მოხმარდეს, ვინაიდან საფასური იმ აგრესორმა უნდა გადაიხადოს, ვინც „ანგრევს ინფრასტრუქტურას, სკოლებსა და საავადმყოფოებს“.ივნისის ბოლოს კანადის სენატმა დაამტკიცა ნორმა, რომელიც რუსული აქტივების კონფისკაციისა და გაყიდვის საშუალებას იძლევა, რათა ის „საერთაშორისო მშვიდობისა და უსაფრთხოების უხეში დარღვევის შედეგად დაზარალებული უცხო სახელმწიფოს აღსადგენად“ იყოს გამოყენებული.ბრიტანეთის საგარეო საქმეთა მინისტრმა ლიზ ტრასმა მხარი დაუჭირა ამ იდეას და განაცხადა, რომ ლონდონი ოტავის მაგალითს გამოიყენებს. აშშ-ის იუსტიციის სამინისტრომ ასევე გამოთქვა იმედი, რომ კონგრესის შემდგომი ნაბიჯები გააჩენს საშუალებას, რომ რუსი ბიზმესმენებისთვის ჩამორთმეული აქტივები უკრაინას გადაეცეს.კრემლის წარმომადგენელმა დმიტრი პესკოვმა განაცხადა, რომ რუსული აქტივების გამოყენება უკრაინის სასარგებლოდ იქნება „პირდაპირი ქურდობა“ და დასძინა, რომ ასეთი ქმედებები მოსკოვისგან პასუხს მოითხოვს.წყარო: The Guardian
https://sputnik-georgia.com/20220704/britaneti-rusuli-aqtivebi-268151982.html
შვეიცარია
Sputnik საქართველო
media@sputniknews.com
+74956456601
MIA „Rosiya Segodnya“
2022
Sputnik საქართველო
media@sputniknews.com
+74956456601
MIA „Rosiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rosiya Segodnya“
https://cdnn1.img.sputnik-georgia.com/img/07e6/07/06/268231758_0:0:2731:2048_1920x0_80_0_0_3a1c558b6ffe7b8ee9551d7f8d39bc32.jpgSputnik საქართველო
media@sputniknews.com
+74956456601
MIA „Rosiya Segodnya“
პოლიტიკა, რუსეთ-უკრაინის კონფლიქტი, სანქციები რუსეთის წინააღმდეგ, შვეიცარია, ეკონომიკა, მსოფლიოს ახალი ამბები
პოლიტიკა, რუსეთ-უკრაინის კონფლიქტი, სანქციები რუსეთის წინააღმდეგ, შვეიცარია, ეკონომიკა, მსოფლიოს ახალი ამბები
თბილისი, 6 ივლისი − Sputnik. ჩამორთმეული რუსული აქტივების უკრაინის აღსადგენად გამოყენების საკითხს სერიოზულად უნდა მივუდგეთ, ასეთი ქმედებები მოითხოვს სამართლებრივ საფუძველს, განაცხადა შვეიცარიის პრეზიდენტმა იგნაციო კასისმა ლუგანოში გამართულ კონფერენციაზე.
„საკუთრების უფლება არის ფუნდამენტური უფლება, ადამიანის უფლება. აუცილებელია მოქალაქეების დაცვა სახელმწიფო ხელისუფლების წინაშე. ამას ჰქვია ლიბერალური დემოკრატია“, − განაცხადა სახელმწიფოს მეთაურმა.
კასისმა აღნიშნა, რომ ზოგ შემთხვევაში ფუნდამენტური უფლებების დარღვევა შესაძლებელია − როგორც ამას ბევრი ქვეყნის ხელისუფლება აკეთებდა კოროვირუსული პანდემიის დროს, „მაგრამ ამისთვის საჭიროა სამართლებრივი საფუძველი“. ახლა კი, მისი აზრით, ევროპაში აქტივების მხოლოდ გაყინვაა შესაძლებელი, რათა მათი წარმომავლობა გაირკვეს და ასევე დადგინდეს, უკავშირდება თუ არა ისინი უკრაინაში რუსეთის „სპეცოპერაციას“.
შვეიცარიის პრეზიდენტმა აქვე დაამატა, რომ გადაწყვეტილება რუსული აქტივების კიევის სასარგებლოდ გამოყენების შესახებ „იდეალური იქნებოდა უკრაინაში არსებული სიტუაციისთვის“. მაგრამ ეს პრეცედენტს შექმნის „ბევრი სხვა სიტუაციისთვის“.
კიევმა ლუგანოში, სადაც 4-5 ივლისს უკრაინასთან დაკავშირებით კონფერენცია იმართებოდა, 750 მლრდ დოლარზე გათვლილი აღდგენის გეგმა წარმოადგინა. უკრაინის პრემიერ- მინისტრ დენის შმიგალის თქმით, გაყინული რუსული აქტივები უკრაინის აღდგენას უნდა მოხმარდეს, ვინაიდან საფასური იმ აგრესორმა უნდა გადაიხადოს, ვინც „ანგრევს ინფრასტრუქტურას, სკოლებსა და საავადმყოფოებს“.
ივნისის ბოლოს კანადის სენატმა დაამტკიცა ნორმა, რომელიც რუსული აქტივების კონფისკაციისა და გაყიდვის საშუალებას იძლევა, რათა ის „საერთაშორისო მშვიდობისა და უსაფრთხოების უხეში დარღვევის შედეგად დაზარალებული უცხო სახელმწიფოს აღსადგენად“ იყოს გამოყენებული.
ბრიტანეთის საგარეო საქმეთა მინისტრმა ლიზ ტრასმა მხარი დაუჭირა ამ იდეას და განაცხადა, რომ ლონდონი ოტავის მაგალითს გამოიყენებს. აშშ-ის იუსტიციის სამინისტრომ ასევე გამოთქვა იმედი, რომ კონგრესის შემდგომი ნაბიჯები გააჩენს საშუალებას, რომ რუსი ბიზმესმენებისთვის ჩამორთმეული აქტივები უკრაინას გადაეცეს.
კრემლის წარმომადგენელმა დმიტრი პესკოვმა განაცხადა, რომ რუსული აქტივების გამოყენება უკრაინის სასარგებლოდ იქნება „პირდაპირი ქურდობა“ და დასძინა, რომ ასეთი ქმედებები მოსკოვისგან პასუხს მოითხოვს.