საქართველოში კომერციული მომხმარებლებისთვის გაზი გაძვირდა

© photo: Sputnik / Alexander Demyanchuk / ფოტობანკში გადასვლაგაზქურა
გაზქურა - Sputnik საქართველო, 1920, 01.07.2022
გამოწერა
Yandex newsTelegram
ამჯერად ფასის მატება ეხება პურის საცხობებსაც, რომლებიც დღემდე შეღავათიანი ტარიფით სარგებლობდნენ.
თბილისი, 1 ივლისი — Sputnik. საქართველოს ორმა დიდმა გაზგამანაწილებელმა კომპანიამ 1 ივლისიდან კომერციული მომხმარებლებისთვის გაზის ტარიფი გააძვირა.
არასამომხმარებლო ტარიფი თბილისის გაზგამანაწილებელი კომპანია Tbilisi Energy-ს აბონენტებისთვის 1,1-დან 1,35 ლარამდე გაიზარდა 1 კუბურ მეტრ ბუნებრივ აირზე.
Socar Georgia Gas-მა რეგიონებში თავისი აბონენტებისთვის არასამომხმარებლო ტარიფი 1 კუბურ მეტრ ბუნებრივ აირზე 1,15-დან 1,38 ლარამდე გაზარდა.
ამჯერად ფასის მატება ეხება პურის საცხობებსაც, რომლებიც ბოლო დრომდე შეღავათიანი ტარიფებით სარგებლობდნენ. თუმცა რეგიონებში პურის საცხობები ერთ კუბურ მეტრზე ამჟამინდელი 0,95 ლარის ნაცვლად 1,15 ლარს გადაიხდიან.
საქართველოში პროდუქტი კიდევ უფრო გაძვირდება - გადასახადის გადამხდელთა კავშირი>>
კომპანიებში ტარიფების გაძვირების მიზეზად საბაზრო ფასების შესაბამისი კორექტირება დაასახელეს.
ექსპერტების პროგნოზით, კომერციული გაზის გაძვირება პროდუქტების ფასებზე აისახება.
ყველა ახალი ამბავი
0