„მე ვიყავი დიზაინერი... ის იყო ოპერატორი“ - ავთანდილი დემნა გვასალიას პლაგიატობაში ამხელს?
„ხუმრობით დავწერე, მე გაცილებით ადრე მქნოდა ეს მოდელები, ბესტსელერი იყო ჩვენი გაყიდვების-მეთქი. იმ პერიოდში, როცა დემნა პატარა იყო, ერთადერთი ფეშენ მაღაზია მე მქონდა და ვიყავი ერთი დიზაინერი. არის ბავშვობის შთაბეჭდილებები, შეიძლება არც გახსოვდეს საიდან სად მოდის და რას იმახსოვრებს ტვინი. დღესდღეობით ძალიან მიხარია, თუ სადმე გადაკვეთა არსებობს ჩემი და მსოფლიოს წამყვანი ბრენდების და ჩემი და ახალბედა დიზაინერების. მე სტატუსებით არ გამოვირჩევი, უბრალოდ, მაგ პერიოდში, როცა დემნა გამოჩნდა, მეგონა, რომ ჩემს კოლექციებს ვუყურებდი, რასაც ვაკეთებდი, სპორტული ორეულები, დიდი ჰუდები, დიდი პიჯაკები. ეს ფოტომასალა მაქვს ყველაფერი”, – ამბობს ავთანდილი გადაცემაში „სხვა კითხვები”.
„არა, მაგრამ მეგონა, რომ ძალიან ბევრი ნივთი იყო ნაცნობი. ხომ არის, როცა გიგროვდება რაღაც, შემდეგ უკვე ეს კაბა იყო პიკი, როცა თავი აღარ შევიკავე. არასდროს არავისი არ შემშურებია, ძალიან დიდი საქმე გააკეთა დემნამ საქართველოსთვის, ქართველი დიზაინერებისთვის. „მერსედეს ბენც ფეშენვიკი“ რომ ტარდებოდა და ასეთი აჟიოტაჟი იყო ქართველ დიზაინერებზე, ერთ-ერთი წვლილი იყო დემნას დამსახურება. ბავშვობაში ვიცნობდი, მაშინ პოპულარული ვიყავი ძალიან და ერთ-ერთი ბავშვთაგანი იყო, რომელიც გავიცანი. მაშინ ოპერატორი იყო დამწყები. მის ძმას ვიცნობ”, – ამბობს ავთო ცქვიტინიძე.