არეულობა უზბეკეთში: ორ მილიონიან რეგიონს გამოყოფის უფლებას ართმევენ - ვიდეო
22:19 01.07.2022 (განახლებულია: 15:45 20.07.2023)
© photo: Sputnik / Rostislav Netisov
/ გამოწერა
თბილისი, 1 ივლისი — Sputnik. უზბეკეთის ხელისუფლებამ გამოაქვეყნა კონსტიტუციის ახალი ვერსია, რომელიც გამორიცხავს ყარაყალპახეთის სუვერენულ სტატუსს და მისი გამოყოფის უფლებას. ამასთან დაკავშირებით რეგიონის დედაქალაქ ნუკუსში ათასობით ადამიანი გამოვიდა ქუჩებში პროტესტის ნიშნად, იუწყება პორტალი Turkmen.news.
აღსანიშნავია, რომ ყარაყალპახეთს უზბეკეთის ტერიტორიის 40% უკავია და იქ დაახლოებით ორი მილიონი ადამიანი ცხოვრობს.
Unrests in Nukus, Karakalpakstan. Karakalpakstan used to be an autonomous republic in Uzbekistan. In 1990s they proclaimed sovereignity with the right of secession. Now Uzbekistan decided to abolish it autonomy, escalating the conflict.
— Kamil Galeev (@kamilkazani) July 1, 2022
It's time to talk about Central Asia🧵 pic.twitter.com/aZtVrvjsXb
როგორც რესპუბლიკის შინაგან საქმეთა სამინისტრომ განაცხადა, მოსახლეობა დემონსტრაციაზე „კონსტიტუციური რეფორმების არასწორი ინტერპრეტაციის შედეგად“ გავიდა.
მედიის ინფორმაციით, აქციები იმართება არა მხოლოდ ნუკუსში, არამედ ავტონომიის სხვა ქალაქებშიც. აქციის რამდენიმე მონაწილე დაკავებულია. ხელისუფლებამ რესპუბლიკაში ეროვნული გვარდიის დამატებითი ძალები გაგზავნა.
In Nukus, the crowd is chanting "Daulet", apparently in support of Dauletmurat Tazhimuratov. Special forces appeared on the footage.
— Truth of Kazakhstan (@Ordakazakhstan_) July 1, 2022
Local publics report that there are interruptions in communication and the Internet in #Karakalpakstan pic.twitter.com/NJ1M8xokOd
რესპუბლიკის შსს-ს ცნობით, ამ დროისათვის წესრიგი უკვე აღდგენილია, „მიმდინარეობს მუშაობა მოქალაქეებთან, რათა მათ კანონის დარღვევის დაუშვებლობა განემარტოთ“.
უზბეკეთის კონსტიტუციაში შეტანილი ცვლილებების სია, რომელიც დაახლოებით 200 პუნქტს შეიცავს, 25 ივნისს გამოქვეყნდა. ქვეყნის ძირითადი კანონის მანამდელი რედაქციის მიხედვით, ყარაყალპახეთი არის სუვერენული რესპუბლიკა და აქვს უფლება, გამოეყოს უზბეკეთს საყოველთაო რეფერენდუმის საფუძველზე.
წყარო: Turkmen News
