ნარმანია: რუსულ ელექტროენერგიაზე უარის თქმის ფუფუნება არ გვაქვს

© courtesy of David Narmaniaდავით ნარმანია
დავით ნარმანია - Sputnik საქართველო, 1920, 30.06.2022
გამოწერა
Yandex newsTelegram
თბილისი, 30 ივნისი – Sputnik. ელექტროენერგიის დეფიციტის პერიოდში საქართველო მას ყიდულობს, მათ შორის რუსეთიდან, რომელსაც ყველაზე მისაღები ფასები აქვს, განაცხადა საქართველოს ენერგეტიკისა და წყალმომარაგების მარეგულირებელი ეროვნული კომისიის თავმჯდომარემ დავით ნარმანიამ.

„ჩვენ გარკვეული თვეების განმავლობაში რუსეთიდან ვიღებთ ელექტროენერგიას, იქიდან გამომდინარე, რომ თურქეთთან და აზერბაიჯანთან შედარებით იგი უფრო იაფია“, – განაცხადა ნარმანიამ.

როგორც მან აღნიშნა, „ტარიფის სენსიტიურობიდან გამომდინარე, არ გვაქვს იმის ფუფუნება, რომ პოლიტიკური მიზეზების გამო შედარებით იაფ რუსულ ენერგიაზე ვთქვათ უარი“.
თუ საქართველოს მაინც მოუწევს რუსულ ელექტროენერგიაზე უარის თქმა, ეს არ იქნება პრობლემა, დასძინა სემეკის თავმჯდომარემ.
„თუ რაღაც მიზეზით მოხდება შეზღუდვა – ან ემბარგო დაწესდება, ან სხვა დამაბრკოლებელი ფაქტორი წარმოიშობა, ქვეყანას ენერგეტიკული კრიზისი ნამდვილად არ ექნება, რადგან ელექტროენერგიის მიღების ალტერნატიური წყაროები ნამდვილად არსებობს“, – განაცხადა ნარმანიამ.
საქართველო „ინტერ რაოს“ შესაძლო სანქცირებისთვის ემზადება>>>
საქართველოს ელექტროენერგეტიკული ბაზრის ოპერატორის (ESCO) მონაცემებით, 2021 წელს საქართველომ 15,3 მილიარდი კვტ/სთ ელექტროენერგია მოიხმარა, რაც 2020 წელთან შედარებით 23,5%-ით მეტია. ადგილობრივად გამომუშავებული იყო 12,6 მილიარდი კვტ/სთ.
ელექტროენერგიის დეფიციტის შესავსებად საქართველომ 2 მილიარდზე მეტი კვტ/სთ ელექტროენერგიის იმპორტი განახორციელა. მათ შორის, რუსეთიდან 1,2 მლრდ კვტ/სთ, თურქეთიდან – 161,2 მლნ კვტ/სთ, აზერბაიჯანიდან კი 600,1 მლნ კვტ/სთ ელექტროენერგია.
ყველა ახალი ამბავი
0