მსოფლიო ხელისგულზე - Sputnik საქართველო, 1920
მსოფლიო დღეს
მსოფლიოში მიმდინარე უახლესი ახალი ამბები, მსოფლიოს წინაშე მდგარი გამოწვევები, აქტუალური თემები, მიმოხილვა და ანალიზი იხილეთ Sputnik საქართველოს ვებგვერდზე.

ჩინეთმა „დიდ შვიდეულს“ BRICS-ის მოსახლეობის რაოდენობა შეახსენა

© photo: Sputnik / Pavel Lvov / ფოტობანკში გადასვლა ჩინეთის საგარეო უწყება
 ჩინეთის საგარეო უწყება - Sputnik საქართველო, 1920, 29.06.2022
გამოწერა
Yandex newsTelegram
თბილისი, 29 ივნისი — Sputnik. „დიდი შვიდიანის“ ქვეყნების მოსახლეობა - ეს მსოფლიო საზოგადოება კი არა, მხოლოდ მისი ნაწილია, აცხადებს ჩინეთის საგარეო საქმეთა სამინისტროს ოფიციალური წარმომადგენელი ჟაო ლიძიანი.
ამის შესახებ მან თავის Twitter-აკაუნტზე დაწერა და, როგორც ჩანს, გზავნილი G7-ის სამიტს მიუძღვნა, რომელიც გერმანიის ბავარიაში გაიმართა 26-28 ივნისს.
დიპლომატმა გამოაქვეყნა ფოტო, სადაც ნაჩვენებია BRICS-ის კოალიციის ქვეყნების მოსახლეობა – დაახლოებით 3,2 მილიარდი ადამიანი, და G7-ის ქვეყნებში მცხოვრებთა რაოდენობა – 777 მილიონი.

„შემდეგ ჯერზე, როცა „მსოფლიო თანამეგობრობაზე“ ისაუბრებთ, გახსოვდეთ, რა იგულისხმება რეალურად“, — წერს ლიძიანი.

G7-ის, ანუ „დიდი შვიდიანის“ წევრები მსოფლიოს წამყვანი, ეკონომიკურად განვითარებული ქვეყნები — აშშ, გერმანია, იაპონია, დიდი ბრიტანეთი, საფრანგეთი, იტალია და კანადა არიან. BRICS არის ეკონომიკური ბლოკი, რომელიც მოიცავს რუსეთს, ჩინეთს, ბრაზილიას, ინდოეთსა და სამხრეთ აფრიკას.
მანამდე ცნობილი გახდა, რომ BRICS-ში გაწევრიანება მოითხოვეს ირანმა და არგენტინამ.
ყველა ახალი ამბავი
0