ბათუმის ავტობუსების პარკი წლის ბოლომდე მთლიანად განახლდება

© Sputnik / Alexander Imedashviliავტობუსის გაჩერება ბათუმში
ავტობუსის გაჩერება ბათუმში - Sputnik საქართველო, 1920, 28.06.2022
გამოწერა
აჭარის 2022 წლის ბიუჯეტი 6,2%-ით გაიზარდა და ის 482 მლნ ლარს აღემატება.
თბილისი, 28 ივნისი – Sputnik. ბათუმის ავტობუსების პარკი 2022 წლის ბოლომდე მთლიანად განახლდება. გადაწყვეტილება აჭარის ავტონომიური რესპუბლიკის უმაღლესი საბჭოს სხდომაზე მიიღეს.
დღევანდელ სხდომაზე აჭარის უმაღლესმა საბჭომ აჭარის ავტონომიური რესპუბლიკის ბიუჯეტი დაამტკიცა. აჭარის მთავრობის მეთაურმა თორნიკე რიჟვაძემ გაზრდილი ბიუჯეტის ფარგლებში დაგეგმილი პროექტების შესახებ ისაუბრა.
როგორც მთავრობის მეთაურმა აღნიშნა, აჭარის 2022 წლის რესპუბლიკური ბიუჯეტი 6,2%-ით გაიზარდა და ის 482 მილიონ ლარს აღემატება.

„ბიუჯეტის ფარგლებში წლის ბოლომდე განხორციელდება არაერთი მნიშვნელოვანი პროექტი და პროგრამა. განსაკუთრებით მინდა გამოვყო ბათუმის ნაწილში გაზრდილი სატრანსფერო რაოდენობა, რაც გულისხმობს, რომ წლის ბოლომდე ჩვენ სრულად განვაახლებთ ავტობუსების პარკს ბათუმში და, შესაბამისად, ქობულეთის მუნიციპალიტეტს გადავცემთ დამატებით ავტობუსებს“, – განაცხადა რიჟვაძემ.

თორნიკე რიჟვაძემ ასევე აღნიშნა, რომ მუნიციპალიტეტებზე გადასაცემი ტრანსფერის მოცულობა წელს 5.570.000 ლარით გაიზრდა და ჯამში 163.230.000 ლარი შეადგინა.
ყველა ახალი ამბავი
0