პოლონეთის კულინარიულ ფესტივალზე აჭარული სამზარეულო წარადგინეს

© courtesy of Funicular Complexაჭარული ხაჭაპური
აჭარული ხაჭაპური - Sputnik საქართველო, 1920, 24.06.2022
გამოწერა
Yandex newsTelegram
ფესტივალის სტუმრებს ქართული კერძების, ღვინისა და ნუგბარის დაგემოვნების შესაძლებლობა ჰქონდათ.
თბილისი, 24 ივნისი — Sputnik. აჭარული სამზარეულო პოლონეთში, კულინარიულ ფესტივალზე Fortress of Tastes იყო წარდგენილი. ინფორმაციას აჭარის ტურიზმისა და კურორტების დეპარტამენტი ავრცელებს.
უწყების ცნობით, ქალაქ ვროცლავთან ახლოს, ჩოჰას ისტორიულ ციხე-სიმაგრეში გამართული ფესტივალის სტუმრებს კერძების, ღვინისა და ქართული ნუგბარის დაგემოვნების პარალელურად ქართულ ფოლკლორ შოუზე დასწრების საშუალებაც ჰქონდათ.
ფესტივალზე რეგიონის გასტრონომიული პოტენციალი აჭარის ტურიზმის დეპარტამენტმა ქართველ შეფმზარეულებთან და ტურისტული სერვისის მიმწოდებელ კომპანიებთან ერთად წარადგინა.

„კულინარიულ ფესტივალში მონაწილეობით ტურიზმის დეპარტამენტმა კიდევ ერთხელ წარმოაჩინა ადგილობრივი სამზარეულო და ღვინო პოლონეთში, სადაც რეგიონის პოპულარიზაცია წლებია აქტიურად მიმდინარეობს“, – აღნიშნულია აჭარის ტურიზმისა და კურორტების დეპარტამენტის მიერ გავრცელებულ ინფორმაციაში.

ჩოჰას კულინარიული ფესტივალი წელს მეხუთედ გაიმართა, ხოლო აჭარის რეგიონი მასში პირველად იღებდა მონაწილეობას.
ფესტივალს 15.000-მდე ვიზიტორი სტუმრობდა, მათ შორის იყვნენ ტურისტები პოლონეთის მეზობელი ქვეყნებიდან – გერმანიიდან და ჩეხეთიდან.
ფესტივალზე განსაკუთრებული პოპულარულობით შუა საუკუნეების დროინდელი რეცეპტებით დამზადებული კერძები და სასმელები სარგებლობდა.
ყველა ახალი ამბავი
0