გადადგეს მთავრობა: აქციაზე პოლიტიკური მოთხოვნები წამოაყენეს

© photo: Sputnik / Stringerსაპროტესტო აქცია
საპროტესტო აქცია - Sputnik საქართველო, 1920, 24.06.2022
გამოწერა
Yandex newsTelegram
მოთხოვნების შეუსრულებლობის შემთხვევაში, 3 ივლისის აქცია იქნება უვადო და მას რეგიონების წარმომადგენლებიც შეუერთდებიან, განაცხადა აქციის ორგანიზატორმა
თბილისი, 24 ივნისი — Sputnik. აქციის მონაწილეთა მთავარი მოთხოვნა პრემიერ-მინისტრ ირაკლი ღარიბაშვილის თანამდებობიდან გადადგომა და ეროვნული თანხმობით ახალი მთავრობის დანიშვნაა, რომელიც ევროკავშირის პირობებს შეასრულებს, განაცხადა მოძრაობა „სირცხვილიას“ ერთ-ერთმა ლიდერმა შოთა დიღმელაშვილმა.
სახალხო მოძრაობამ, რომელიც ახალგაზრდულმა ორგანიზაცია „სირცხვილიამ“ დააფუძნა, თბილისის ცენტრში ათასობით ადამიანი შეკრიბა - ამჯერად აქციის მონაწილეები ხელისუფლებისგან იმ პირობების შესრულებას მოითხოვენ, რომლებიც ევროკავშირმა კანდიდატის სტატუსის მისაღებად საქართველოს დაუწესა.
„ჩვენ ერთკვირიან ვადას ვაძლევთ, რათა ბიძინა ივანიშვილის მთავრობა გადადგეს“, განაცხადა დიღმელაშვილმა.
მისი თქმით, მომდევნო აქცია 3 ივლისს გაიმართება, მანამდე კი სახალხო მოძრაობის წარმომადგენლები საქართველოს დედაქალაქსა და რეგიონებში მოსახლეობასთან შეხვედრებს გამართავენ.
„ქართული ოცნება": ოპოზიცია დღევანდელი აქციით პოლარიზაციას აღრმავებს>>>
დიღმელაშვილის თქმით, მათი მოთხოვნების შეუსრულებლობის შემთხვევაში, 3 ივლისის აქცია იქნება უვადო და მას რეგიონების წარმომადგენლებიც შეუერთდებიან.
მოძრაობა „სირცხვილიას“ მმართველ პარტია „ქართულ ოცნებაში“ მათი მთავარი ოპონენტის - „ნაცმოძრაობის“ ახალგაზრდულ ფრთას უწოდებენ.
ევროპული საბჭოს პრეზიდენტმა შარლ მიშელმა გუშინ განაცხადა, რომ ევროკავშირის სახელმწიფოთა ლიდერების სამიტმა გადაწყვიტა აღიაროს საქართველოს ევროპული პერსპექტივა და მიანიჭოს მას კანდიდატის სტატუსი მას შემდეგ, რაც დასახულ პრიორიტეტებს შეასრულებს. კანდიდატის სტატუსი უკვე მიიღეს უკრაინამ და მოლდოვამ.
ყველა ახალი ამბავი
0