ზახაროვა: ევროკავშირის გადაწყვეტილება უკრაინასა და მოლდოვაზე - ეს მაქინაციაა

© photo: Sputnik / MFA Russia / ფოტობანკში გადასვლამარია ზახაროვა
მარია ზახაროვა - Sputnik საქართველო, 1920, 22.06.2022
გამოწერა
Yandex newsTelegram
თბილისი, 22 ივნისი — Sputnik. ევროკომისიის რეკომენდაცია უკრაინისა და მოლდოვისთვის ევროკავშირის წევრობის კანდიდატის სტატუსის მინიჭების შესახებ ნეოლიბერალიზმის კრიზისის დემონსტრირება და მაქინაციაა, განაცხადა რუსეთის საგარეო საქმეთა სამინისტროს წარმომადგენელმა მარია ზახაროვამ.
„ეს კონიუნქტურულობაა. ეს არის პირდაპირი კავშირი ეკონომიკასა და პოლიტიკას შორის და სწორედ ამას ეწინააღმდეგებოდნენ ისინი ყოველთვის. <…> ეს არის სწორედ ის წინააღმდეგობა, რამაც ნეოლიბერალური სისტემა ჩიხში შეიყვანა“, — აღნიშნა ზახაროვამ.
მისი თქმით, ნეოლიბერალური სისტემა ლიბერალურ ეკონომიკას, პოლიტიკის გარეშე თავისუფალ ვაჭრობას ემყარება, დღეს კი „ვხედავთ, რომ ეკონომიკური მექანიზმები ყალიბდება მხოლოდ პოლიტიკური მოტივებით, რაც ნეოლიბერალიზმის კრიზისის შესანიშნავი მაგალითია“.
დიპლომატის თქმით, მსგავსი გადაწყვეტილებები დესტრუქციული და პროვოკაციულია.

„არსებობს მშვენიერი სიტყვა „მაქინაცია“, როდესაც დასავლური საზოგადოების მიერ მიღებული ბევრი გადაწყვეტილება გააზრებულ ნაბიჯებს კი არ ჰგავს, არამედ დესტრუქციული და პროვოკაციული ხასიათის კომბინაციებს. ვფიქრობ, ესეც ამ სერიიდანაა“, — განაცხადა მარია ზახაროვამ.

მანამდე ევროკომისიამ რეკომენდაცია გაუწია მოლდოვასა და უკრაინას ევროკავშირის წევრობის კანდიდატის სტატუსის მინიჭების შესახებ, ხოლო საქართველოს შემთხვევაში აღიარა მისი „ევროპული მისწრაფებები“. ამ საკითხზე საბოლოო გადაწყვეტილებას ევროკავშირის ქვეყნების ლიდერები 23-24 ივნისს ბრიუსელის სამიტზე მიიღებენ.
ყველა ახალი ამბავი
0