მსოფლიო ხელისგულზე - Sputnik საქართველო, 1920
მსოფლიო დღეს
მსოფლიოში მიმდინარე უახლესი ახალი ამბები, მსოფლიოს წინაშე მდგარი გამოწვევები, აქტუალური თემები, მიმოხილვა და ანალიზი იხილეთ Sputnik საქართველოს ვებგვერდზე.

Bloomberg: ევროკომისია საქართველოს სტატუსზე რეკომენდაციას მისცემს - გარკვეული პირობებით

© photo: Sputnik / Alexey Vitvitsky / ფოტობანკში გადასვლა
  - Sputnik საქართველო, 1920, 17.06.2022
გამოწერა
Yandex newsTelegram
თბილისი, 17 ივნისი — Sputnik. ევროკომისია დღეს აპირებს რეკომენდაცია გაუწიოს საქართველოს, უკრაინასა და მოლდოვას ევროკავშირის წევრობის კანდიდატი ქვეყნების სტატუსის მიღებაზე, იუწყება Bloomberg წყაროებზე დაყრდნობით.
გავრცელებული ინფორმაციით, აღნიშნული გადაწყვეტილება მას შემდეგ იქნება მიღებული, რაც ქვეყნები მთელ რიგ პირობებს შეასრულებენ.
სააგენტოს ცნობით, ევროკომისია უკრაინასა და მოლდოვას „კანონის უზენაესობასთან, სამართლიანობასა და კორუფციასთან ბრძოლასთან“ დაკავშირებულ პირობებს წაუყენებს.
რაც შეეხება საქართველოს, კომისია მასაც წაუყენებს გარკვეულ პირობებს, თუმცა რასთან იქნება დაკავშირებული ისინი, გამოცემა არ აკონკრეტებს.
სამი ქვეყნისთვის სტატუსის მინიჭებაზე საბოლოო გადაწყვეტილება 27-ვე წევრმა სახელმწიფომ უნდა დაამტკიცოს ბრიუსელის სამიტზე 23-24 ივნისს – ევროკომისიის რეკომენდაციების გათვალისწინებით. წევრობის პროცედურა თავისთავად არის პროცესი, რომელიც მოიცავს ნაბიჯებისა და პირობების კომპლექტს, რომელსაც, როგორც წესი, შესაძლოა ათ წელზე მეტი დრო დასჭირდეს. ბოლო ქვეყანა, რომელიც ევროკავშირს შეუერთდა, ხორვატია იყო, რომელსაც 10 წელი დასჭირდა გასაწევრიანებლად.
წყარო: Bloomberg
ყველა ახალი ამბავი
0